Push Admin

Mga tamaraw sa Mindoro nabawasan umano ang bilang

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Mga larawan muka kina Leo de Leon at Mike Jumig" src="https://sa.kapamilya.com/absnews/abscbnnews/media/2022/life/10/08/20221008-tamaraw.jpg"/><figcaption><em>Mga larawan muka kina Leo de Leon at Mike Jumig</em></figcaption></figure></div><p>Tinatayang mahigit sa 100 ang bilang ng tamaraw na nabawas o nawala sa Oriental at Occidental Mindoro, partikular sa mga bundok ng Iglit, Baco, Calavite, at Halcon.</p><p>Ito ay batay sa pinakahuling tamaraw count na isinagawa ng Oriental Mindoro Environment and Natural Resources Office (ENRO) sa pamumuno ni Mike Jumig.</p><p>Ayon sa datos ng ENRO, noong 2018, may 523 tamaraw ang naitala. </p><p>Pero noong 2022, nagkapagtala na lamang sila ng 403 tamaraw sa nasabing mga kabundukan.</p><p>Ito ay sa kabila ng pagbabawal sa pag-akyat sa mga nasabing mga kabundukan noong 2019 hanggang 2021 dahil sa pandemya.</p><p>Ayon kay Jumig, na personal umanong nagsagawa ng tamaraw count sa pamamagitan ng binoculars, maraming dahilan ang pagbaba ng bilang ng tamaraw sa nakalipas na taong 2018 hanggang 2021.</p><p>Pangunahin na aniya rito ang mga nakakalusot na ilegal na pangangaso o hunters sa mga kabundukan.</p><p>Kabilang pa rin sa posibleng sanhi ng pagkabawas ng bilang ng mga tamaraw ayon kay Jumig ay ang &quot;HAREM,&quot; kung saan ang mga barako ay naglalabanan sa pamamagitan ng pagsusuwagan kapag nagpakita ang mga ito na may mga kasamang babaeng tamaraw.</p><p>Hindi umano tumitigil sa pagsusuwagan ang mga tamaraw hanggang sa mamatay alinman sa dalawa o parehong patay.</p><p>Kabilang pa dito ang maikling life span ng tamaraw na tumatagal lamang ng 15 taon. Bukod pa ito sa kanilang pagkakasakit na nagiging dahilan ng pagkamatay.</p><p>Ang tamaraw ay isang uri ng &quot;mammal&quot; na malaki ang pagkakahawig sa kalabaw, subalit mayroon itong naiibang katangiang may taas lamang na humigit kumulang 1 metro. </p><p>Ang buntot ng tamaraw ay mas maiksi kaysa sa kalabaw, may sungay na patirik na titik &quot;V&quot; kumpara sa paarko o pabilog na hugis ng sungay ng kalabaw, at mas makapal ang balahibo nito na abuhing itim kumpara sa kalabaw.</p><p>Sa ipinasang Commonwealth Act Bilang 73 noong 1936, ang pangangaso, pagpatay, pagtugis, pagsugat o panghuhuli ng tamaraw para sa anumang kadahilanan ay mahigpit na ipinagbabawal, maliban kung ito ay nagbabanta ng panganib sa buhay at ari-arian o para sa siyentipikong pag-aaral na may pahintulot mula sa pamahalaan.</p><p>Meron ding NIPAS Act (RA No. 7586) upang mapangalagaan ang tamaraw sa pamamagitan ng pagkilala at pagdeklara ng kanilang likas na tirahan bilang protected areas.</p><p>Ang Mt. Iglit-Baco National Park na tirahan ng tamaraw ay isang protected area sa ilalim ng batas na ito.</p><p>Samantala, ang buwan ng Oktubre ay &quot;Tamaraw Month&quot; kung saan ipinagdiriwang ang Special Month for the Conservation and Protection of Tamaraw sa Mindoro alinsunod sa Presidential Proclamation No.273 na naipasa noong ika-12 ng Okrubre 2002. <strong>— Ulat ni Noel Alamar</strong></p><div><strong>IBA PANG ULAT</strong></div><figure class="op-interactive"><iframe height="315" src="https://www.youtube.com/embed/pAa8J_TaZLM?enablejsapi=1" width="560"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Ayon sa Oriental Mindoro environment and natural resources office, noong 2018 may 523 tamaraw ang naitala, pero noong 2022 bumaba ang bilang sa 403.