Push Admin

Mga tsuper kanya-kanyang diskarte para makatipid sa krudo sa pamamasada

Article (news)

ABS-CBN News

MAYNILA – Muling nagpatupad nitong Lunes ng dagdag-presyo sa produktong petrolyo kaya kanya-kanyang diskarte ang mga namamasada para makabawas sa konsumo sa krudo at gasolina.Ang ilan sa mga jeepney driver bawas muna ang labis na pag-iikot para makakuha ng pasahero sa gitna ng tuloy-tuloy na oil-price hike.Sa paradahan sa Boni, Mandaluyong City, kanya-kanyang diskarte an mga jeepney driver para makabawas sa konsumo sa krudo.Si Allan Tawide, tuwing rush hour lang namamasada para siguradong may makukuhang pasahero.Pahinga muna siya tuwing matumal ang dating ng mga pasahero kaya naman imbes na makauwi siya ng maaga, halos inaabot na siya nang hatinggabi sa kalsada, para abangan ang dagsa ng mga pasahero.&quot;Minsan aabutin ako ng alas-12 kasi wala kasing maiuwi eh,&quot; aniya.Kwento niya, noong pandemya pa nagsimula ang kanilang kalbaryo. Nakakabawi na sana dahil marami na ang mga pasahero pero ang patuloy na pagsirit naman ng presyo ng produktong petrolyo ang labis na naka-apekto sa kanila.Sa paradahan nila, marami na rin ang huminto sa pamamasada.&quot;Marami na po &#x27;yung iba naghanap na lang eh nagpa-family driver na lang naghahanap na ng ibang trabaho talaga,&quot; ani Victor Miranda, isang jeepney driver.<ul class="op-related-articles">	<li><a href="https://news.abs-cbn.com/news/06/21/22/motorists-flock-to-gas-stations-offering-lower-prices">Motorists flock to gas stations offering lower prices, as rates set to go up</a></li></ul>Una nang sinabi ng grupong Piston na nasa 20 porsyento ng mga jeepney driver ang tumigil mula sa pamamasada sa National Capital Region dahil sa mataas na presyo ng produktong petrolyo.Bukod sa mga jeepney driver, maging ang mga tricycle driver kanya-kanyang diskarte rin para makatipid.&quot;Hindi kami pwede mag-iikot kasi ang mahal ng gasolina ngayon,&quot; ani Nanding Morales.Ang mga food delivery rider, sapol din ng taas presyo ng gasolina.Ayon sa rider na si Wilmore Carcer, bagama&#x27;t marami pa rin naman silang kustomer, nabawasan ang kanilang kita dahil sa gasolina.Ang P200 na gasolina na dati nakukunsumo na niya sa isang araw, ngayong kalahating araw na lang ito.&quot;Magkano na lamang ang kinikita namin tapos tumaas pa &#x27;yung presyo ng gasolina. Dati umaabot ng isang araw &#x27;yung gasolina namin, ngayon, P200 mo hangang kalahating araw na ang ganon,&quot; aniya.Para makatipid, hindi na rin siya nagmu-motorsiklo kung malapit lang naman ang personal na aasikasuhin niya.Ang motorsiklo niya kasi, nakalaan na lamang sa kanyang trabaho.Sa ngayon nasa P87 hangang P88 ang kada litro na krudo depende sa gasoline station.Ang gasolina nasa P80 hangang P84 pesos ang kada litro depende rin sa gasoline station.Walang ibang hiling ang mga namamasada, matigil na sa pagtaas ang presyo ng produktong petrolyo lalo’t hindi lang umano sila ang apektado dahil asahan na tuwing tataas ang presyo ng gasolina at krudo, tataas din ang presyo ng ilang bilihin.—Ulat ni Jose Carretero, ABS-CBN News

Ang ilan sa mga jeepney driver bawas muna ang labis na pag-iikot para makakuha ng pasahero.