Push Admin

'Tao Po': Mga kahanga-hangang kwento ng paglaban ng mga kapamilya nating PWD

Article (news)

ABS-CBN News

Mapanghuhugutan ng inspirasyon ang mga natatanging indibidwal na may kakulangan man sa pisikal, ay buong-buo naman ang puso at kalooban na humarap sa mga hamon ng buhay.Anim na dekada nang walang paningin si Fidel Esclanda mula Lopez, Quezon.Lumang tungkod at talas ng pakiramdam ang naging kaagapay niya para makalakad at makakilos ng maayos. Iniikot ni Fidel ang kanilang lugar, makapaglako lang ng kanyang paninda.Putol ang isang kamat at umbok naman ang dibdib ng sorbetero na Vincente Dereza. Para makapagtinda ng maayos, nagpasadya siya ng lagayan ng apa para magsilbing kaliwang kamay niya kapag nagtitinda.Ang mamalakayang PWD na si Bernardino Sepato, maiksi ang mga binti at hita at walang kaliwang kamay.Sa kabila ng kalagayan, sinikap niya na maging kapakipakinabang sa pamilya. Nanghuhuli siya ng mga lamang-ilog gaya ng hipon at maliliit na alimango para mai-pambenta.Tuloy rin ang buhay para kay Ermenda Lumacad mula Pasig City. Nang maaksidente siya sa trabaho taong 2016, hindi gumagaling ang mga sugat niya at natuklasan na mayroon siyang diabetes. Nang dahil doon ay kinailangang putulin ang kanyang kaliwang paa.Naging malaking dagok ang kapansanan ni Ermenda lalo’t dalawa sa kanyang mga anak ay nangangailangan din ng medikal na tulong.Kaagapay ang isang non-government organization at mga partners nito, hinandugan ng bagong artificial leg si Ermenda.Patunay sina Fidel, Vicente, Bernardino, Ermenda na kahit ano pa man ang kalagayan o sitwasyon, walang imposible basta may pangarap na sinasamahan ng sipag, tiyaga at determinasyon.<div>Ulat ni Kabayan Noli de Castro para sa programang Tao Po. (Dec 31, 2023)</div>Mapapanood ang mga episode ng Tao Po <a href="https://www.youtube.com/playlist?list=PLgyY1WylJUmgJfSjdftIdc0f8ZzOjCOec">dito</a>.

Mga natatanging indibidwal na may kakulangan man sa pisikal, ay buong-buo naman ang puso at kalooban na humarap sa mga hamon ng buhay.