Push Admin

Babo Robot replica naging simbulo umano ng katatagan ng mga Kabalen

Article (news)

ABS-CBN News

Isang replika ng makasaysayang Babo Robot ang makikita ngayon sa baywalk sa bayan ng Porac, Pampanga.Ang replika ng 12-foot robot – na gawa sa kahoy, metal, at resin – ay inihawig sa karakter na naging tanyag noong 1990s.Noong 1996 nang itayo ng isang international production company ang 30-foot fighting machine na ginawa para sa sci-fi movie na &quot;Robo Warriors.&quot;Sa pelikula, ang higanteng robot ay nagmula sa kalawakan para ipagtanggol ang Earth mula sa mga alien attacker. Ilan sa mga eksena kinunan sa mismo sa maladisyertong lugar na sinalanta ng lahar sa pagputok ng Mount Pinatubo.“After po itong ginamit sa film na ‘Robo Warriors’ ay dinonate po ito sa LGU,&quot; ani Gem Marimla, OIC ng Porac Municipal Tourism Office.Nagsilbing iconic landmark ito lalo sa mga batang 90s sa Pampanga, na kalaunan ay tinawag na Babo Robot.<ul class="op-related-articles">	<li><a href="https://news.abs-cbn.com/life/04/16/22/replika-ng-iconic-na-robot-makikita-sa-porac-pampanga">Replika ng iconic na robot makikita na sa Porac, Pampanga</a></li></ul>“Naging atraksyon po ito. At kinagigiliwan po ito ng mga kabataan, lalo na po ’yung mga bata. Pagdaan po nila sa Mancatian sa may tulay ay natatanaw na po nila ’yung mala-higanteng robot,&quot; ani Marimla.Pero paglipas ng panahon, ang higanteng robot ay napunit at sinira ng iba hanggang sa tuluyan nang maubos at mawala.Kaya laking tuwa ng mga Kabalen nang pasinayanan nitong buwan ang replika ng robot.Nasa P190,000 ang halaga umano ng paggawa ng replica na tumagal ng tatlong buwan sa pangunguna ng local artists ng bayan.Ang Babo Robot – bukod sa naging iconic landmark – ay sumisimbulo rin umano sa mga taga-Porac, ng kanilang katatagan, at marka ng muling pagbangon sa pagsabog ng Pinatubo. – Ulat ni Gracie Rutao

Nasa P190,000 ang halaga umano ng paggawa ng replica na tumagal ng tatlong buwan sa pangunguna ng local artists ng bayan ng Porac, Pampanga.