Push Admin

Mag-ama sa Bulacan sabay nagtapos ng senior high school

Article (news)

ABS-CBN News

MAYNILA -- Inspirasyon ang hatid sa mga netizens ng mag-ama sa Sta. Maria, Bulacan matapos sabay na grumadweyt ng senior high school.Isang janitor si Eleazar Begornia, 42, habang estudyante naman ang anak niyang si Jenalyn, 17, sa eskwelahang pinagtatrabahuhan niya.Ibinahagi ni Eleazar na gusto pa niyang tumaas ang kanyang kaalaman kung kaya’t nagpatuloy siya ng kanyang pag-aaral. Pangarap din umano niya na talagang makapagtapos ng kolehiyo sa kabila ng kanyang edad.Halos mag-12 years ng utility staff sa Immaculate Conception Institution si Eleazar. Mayroon siyang tatlong anak at isa na nga rito si Jenalyn.Ayon kay Jenalyn, wala umanong rason para siya ay ma-awkward sa trabaho ng ama bilang janitor. Bata pa lamang umano siya ay sinasamahan na niya ang kanyang tatay sa eskwelahan kung kaya’t nasanay na siya sa trabaho nito.“Masaya kasi palagi niyang iniisip na mababa ang tingin sa kanya ng mga tao parang syempre tataas na ang confidence niya kasi nakapagtapos na siya. Wala na po siyang ibang masasabi. Malaking achievement na po ‘yun sa kanya na nakapagtapos po siya,” ani Jenalyn sa panayam sa Teleradyo.Humanities and Social Science (HUMSS) ang strand ni Eleazar habang Accountancy and Business Management (ABM) naman ang strand ni Jenalyn sa ICP - Senior High School.Kwento ni Eleazar, nahirapan siyang pagsabayin ang kanyang trabaho at pag-aaral. Dagdag pa umano na nahihiya siya dahil hindi niya ka-level ang mga kaklase na bata pa.“Lakas loob na talagang push ko ‘yan, kaya ko ‘yan, itutuloy ko ang pag-aaral ko,” ani Eleazar.<ul class="op-related-articles">	<li><a href="https://news.abs-cbn.com/life/06/16/23/help-pours-in-for-dog-suffering-from-nose-bleeding">Help pours in for dog suffering from nose bleeding in Cavite</a></li></ul>Plano nilang mag-ama na sabay din makapagtapos ng kolehiyo.Nagkaroon pa ng oportunidad si Eleazar na makapagpatuloy sa pag-aaral matapos mabigyan ng scholarship ng eskwelahan na pinapasukan niya.Balak kuhanin ni Eleazar ang kursong Education major in Physical Education habang Hospitality Management naman ang kay Jenalyn.Lubos namang nagpasalamat si Eleazar sa mga taong nagtiwala at sumuporta sa kanya.Mensahe ni Eleazar para sa mga taong gustong makapagtapos din ng pag-aaral na i-push lang ang kanilang pangarap sa pamamagitan ng sipag at tiyaga.“Hindi po hadlang ang pagiging may edad kasi wala naman pong pinipili ang kaalaman sa pag-aaral. Kahit na may edad ka na hangga’t gusto mong mag-aral ipagpatuloy mo,” ani Eleazar.—Lingkod Kapamilya, TeleRadyo, Hunyo 16, 2023

Inspirasyon ang hatid sa mga netizens ng mag-ama sa Sta. Maria, Bulacan matapos sabay na grumadweyt ng Senior High School.