Push Admin

TINGNAN: Pinangat Festival ng Camalig, Albay

Article (news)

ABS-CBN News

Napuno ng kulay ang mga kalsada sa bayan ng Camalig, Albay para sa taunang street presentation ng Pinangat Festival.Ipinakita sa exhibition dance ang proseso sa paggawa ng ipinagmamalaking produkto na pinangat o patong-patong na dahon ng gabi na niluto sa gata at may karne o alamang sa gitna.Bukod sa pinangat, matitikman din sa Camalig ang puto lanson na gawa sa pininong bigas.Ipinakita ang iba&#x27;t ibang variety nito sa puto lanson cook fest.May ilang gumamit ng itim na bigas, habang ang iba naman ay nilagyan ng keso at itlog na maalat ang puto.Pero ang mas nakakuha sa atensyon ng mga turista ay ang puto na may karne at sili, na luto ni Elerisa Nobesa.Ipinagmamalaki rin ng Camalig ang kanilang tsinelas na abaca kaya nagkaroon din ng pagalingan sa pagawa ng abaca tsinelas.Namakyaw ang ilang bisita ng tsinelas na anila ay subok na nila ang tibay.Ibinida rin ng mga residente ang ganda ng Sumlang Lake sa pamamagitan ng balsa race ng mga kalalakihan.<div>- Umagang Kay Ganda, 23 Hunyo 2016</div>

Napuno ng kulay ang mga kalsada sa bayan ng Camalig, Albay para sa taunang street presentation ng Pinangat Festival.