Push Admin

SAPUL SA CCTV: Kawatan, tumangay ng motorsiklo sa Iloilo

Article (news)

ABS-CBN News

Nakuhanan sa CCTV ang pagnanakaw sa isang motorsiklong nakaparada sa isang kalye sa distrito ng La Paz, Iloilo City nitong Biyernes, Enero 5.Nagmasid pa sa paligid ang kawatan bago tinangay ang motor na pag-aari ng 42 anyos na si Romeo Cuambot.Ayon sa hepe ng La Paz police station, sumalisi ang lalaki habang nasa gym ang may-ari ng motor.Inaalam pa ng pulisya ang pagkakakilanlan ng kawatan na maaari umanong dati na ring dawit sa insidente ng pagnanakaw.<div>KAWATAN SA OSPITAL</div>Nakuhanan sa CCTV ang pananalisi ng isang kawatan sa isang ospital sa San Pedro City, Laguna. Sinikwat niya ang bag ng isang nars na abalang mag-asikaso sa mga pasyente.Pasado alas-6 ng umaga nitong Biyernes, nakuhanan sa CCTV ang lalaking umaali-aligid sa ospital.Ilang saglit pa, nagtungo ang lalaki sa nurse&#x27;s station ng emergency room ng ospital.Doon niya na tinangay ang bag ng isa sa mga naka-duty na nars.Mabilis ding umalis ang kawatan na muling nakuhanan ng CCTV na nasa labas na ng ospital at bitbit ang bag na sinikwat.Ayon sa nars na may-ari ng bag na si Rhitchela De Leon, hindi niya agad napansin na nawala na ang kaniyang bag dahil abala siyang nag-aasikaso ng mga pasyente.Napansin niyang wala na ang kaniyang bag nang kukunin niya dapat mula sa bag ang kaniyang antipara o salamin sa mata.Laman ng natangay na bag ng biktima ang isang tablet, dalawang cellphone, isang credit card, tatlong passbook, dalawang ATM at mga government ID niya gaya ng kaniyang driver&#x27;s license.Agad namang inireport ng biktima ang insidente sa pulisya.Ayon sa San Pedro police, mayroon na silang &quot;person of interest&quot; sa pagnanakaw.Paalala rin ng pulisya, mainam kung may nakabantay rin sa CCTV monitor ng mga establisimyento para agad maitimbre kung may kahina-hinalang nangyayari sa loob ng gusali.<ul class="op-related-articles">	<li><a href="http://news.abs-cbn.com/news/01/07/18/lalaki-tinangay-ang-bag-ng-nurse-sa-ospital-sa-laguna">BASAHIN: Lalaki, tinangay ang bag ng nurse sa ospital sa Laguna</a></li></ul><div>-- Ulat nina Albert Lumbera at Zeny Quilantang, ABS-CBN News</div>

Nakuhanan sa CCTV ang pagnanakaw sa isang motorsiklong nakaparada sa isang kalye sa distrito ng La Paz, Iloilo City nitong Biyernes, Enero 5.

Nakuhanan sa CCTV ang pagnanakaw sa isang motorsiklong nakaparada sa isang kalye sa distrito ng La Paz, Iloilo City nitong Biyernes, Enero 5.