Push Admin

Mga manggagawa puwedeng dumeretso sa DOLE para sa application ng P5,000 ayuda

Article (news)

ABS-CBN News

MAYNILA—Puwedeng magpunta sa field at regional offices ng Department of Labor and Employment ang mga manggagawang hirap sa online application ng P5,000 one-time cash assistance.Ayon kay Atty. Sarah Mirasol, director ng DOLE-NCR, maglalaan ng equipment ang ahensiya para makapag-apply online ang mga manggagawang natigil o nawalan ng trabaho dahil sa COVID-19 Alert Level 3.&quot;Tutulungan ho namin. Kami po ay maga-assist sa kanila para makapag-apply sila online,&quot; aniya sa panayam sa TeleRadyo Miyerkoles.Sa Metro Manila, may field offices ang DOLE sa Quezon City, CAMANAVA, Caloocan, Pasig, Las Piñas at Maynila.Nitong Lunes nag-umpisang tumanggap ng application ang DOLE online sa pamamagitan ng website na <a href="https://reports.dole.gov.ph">https://reports.dole.gov.ph</a>. <ul class="op-related-articles">	<li><a href="https://news.abs-cbn.com/news/01/21/22/alamin-pagkuha-ng-dole-cash-assistance-para-sa-nawalan-ng-trabaho">ALAMIN: Paano makakuha ng DOLE cash assistance para sa nawalan ng trabaho</a></li></ul>Ayon sa guidelines, puwedeng magsumite ng kaniya-kaniyang aplikasyon ang mga manggagawa pero hinihikayat ang mga employer na sila na ang gumawa nito para sa lahat ng empleyado.Kung employer ang mag-a-apply, kailangan ng temporary o permanent closure report para na rin makita kung nagsara ang establisimyento habang umiiral ang Alert Level 3.Kailangan din ng payroll, logbook, employment contract, cash vouchers, o kahit na anong listahan ng mga sinasahurang manggagawa.Kung indibidwal naman ang pag-apply ng empleyado, kailangan ng government ID, company ID at proof of unemployment gaya ng notice of termination o closure.&quot;Lilinawin ko lang po, hindi po kasama &#x27;yung mga nag-resign, kundi ito &#x27;yung mga displaced, ito ay na-retrench o dahil sa pagkakasara ng kanilang kompanya dahil apektado po sa COVID-19. Ito ang mga temporary o permanent closure of establishments,&quot; ani Mirasol.<ul class="op-related-articles">	<li><a href="https://news.abs-cbn.com/news/01/24/22/mga-manggagawa-hirap-sa-online-application-para-dole-ayuda">Mga manggagawa hirap sa online application para sa DOLE ayuda</a></li></ul>

Puwedeng magpunta sa field at regional offices ng DOLE ang mga manggagawang hirap sa online application ng P5,000 one-time cash assistance.