Push Admin

Guro sa Nueva Ecija, umaapela ng tulong para sa nasunugang mga Dumagat

Article (news)

ABS-CBN News

MAYNILA - Nanawagan ng tulong ang isang guro para sa mga katutubong Dumagat na nasunugan ng bahay sa bayan ng Gabaldon sa Nueva Ecija kamakailan lamang.“Ngayon pa lang po, lubos na ang aming pasasalamat. Nakita ko kalagayan ng aming estudyante. Sana, matulungan po natin sila, makapag-umpisa ulit sila,” pahayag ni teacher Archie Flores ng Gawad Kalinga Elementary School.Sa programang Lingkod Kapamilya sa TeleRadyo, Huwebes ng umaga, sinabi ni Flores na tinatayang nasa 17 pamilyang Dumagat ang nawalan ng tirahan matapos ang sunog noong Marso 10.Agad namang tumugon para maibigay ang pangunahing pangangailangan ng mga apektadong pamilya ang lokal na pamahalaan at ang Department of Education.“Kahapon, may nagbigay ng tulong sa amin. Inabot namin sa mga estudyante namin,” sabi niya.Gawa umano sa light materials ang mga bahay na naabo sa sunog, kaya’t mas kakailanganin ng mga pamilya ang mga materyales para muling makapagpatayo ng kanilang tirahan.“Sa nakita ko, kailangan nila ng materyales para panimula sa bahay nila,” sabi ni Flores.Maaari umanong magpaabot ng tulong para sa pamilyang Dumagat sa GCash account ni Teacher Maricon Dacumos sa numerong 09754674073.“Huwag po kayong mag-alala, ito po ay makakaabot sa ating katutubong Dumagat,” sabi ni Flores.<div>- TeleRadyo 18 Marso 2021</div>

Nanawagan ng tulong ang isang guro para sa mga katutubong Dumagat na nasunugan ng bahay sa bayan ng Gabaldon sa Nueva Ecija kamakailan lamang.

Nanawagan ng tulong ang isang guro para sa mga katutubong Dumagat na nasunugan ng bahay sa bayan ng Gabaldon sa Nueva Ecija kamakailan lamang.