Push Admin

Traffic enforcer binaril ng rider sa Tanza, Cavite

Article (news)

Izzy Lee, ABS-CBN News

(UPDATE) Patay ang isang traffic enforcer matapos pagbabarilin ng nakaalitang motorcycle rider noong gabi ng Linggo sa Tanza, Cavite.Sa kuha ng video sa insidente, makikita ang isang lalaking nakasakay ng motorsiklo na nakikipagtalo sa enforcer sa harap ng isang mall bandang alas-6 ng gabi. Nakatayo naman sa gilid ang lalaking angkas.Maya-maya pa&#x27;y pinaandar ng rider ang motorsiklo at tinangkang sagasaan ang enforcer sa harap niya.Sa isa pang video, makikitang inaambahan na ng suntok ng lalaki ang mga enforcer.Biglang may inabot sa suspek ang kasamang lalaki at doon na sunod-sunod na pinaputukan ang mga enforcer. Matapos ang pamamaril, humandusay ang isang duguang enforcer.Tumakas sakay ng motorsiklo ang rider at angkas habang dinala naman sa ospital ang enforcer pero dead on arrival ito.Batay sa imbestigasyon ng Tanza police, minura ng suspek ang biktima kaya pinahinto siya nito sa tabi ng kalsada.&quot;Under the influence of liquor [ang suspek]. Ang instinct ng ating enforcer, nabastos, nagpe-perform ng kaniyang official functions, flinag nila itong suspects,&quot; kuwento ni Maj. Dennis Vilalnueva, officer-in-charge ng Tanza police.&quot;Sa pag-flag nila, doon nila nakita &#x27;yong violations [ng suspek] na walang helmet, walang OR-CR and the likes, and doon na nagkaroon ng heated argument,&quot; aniya.Ayon kay Villanueva, 2 beses nang nakasuhan ang suspek pero parehong na-dismiss ang kaso.&quot;Mayroon siyang record na double murder. Nai-file ito noong 2020 kaya lang for unknown reasons hindi na-prosper &#x27;yong kaso, na-dismiss. Mayroon din siya illegal possession of firearms through search warrant noong 2019 naman, hindi rin nag-prosper,&quot; ani Villanueva.Nagtatrabaho bilang bodyguard ng chairperson ng Barangay Daang Amaya 2 ang 37 anyos na suspek.Ayon kay chairperson Cindy Arguson, matapang at mainitin ang ulo ng suspek.&quot;Lagi ko rin &#x27;yan kinakausap... Pagka nakikita kong medyo umiinit ang ulo,&quot; ani Arguson.Hindi pa nahuhuli ang suspek at kasama nito pero noong gabi ng Linggo, natagpuan ng mga pulis ang motorsikong ginamit nila sa pagtakas.Sinubukan ng ABS-CBN News na kuhanan ng pahayag ang pamilya ng biktima pero hindi na sila nagpaunlak ng panayam. Gayunman, desidido silang magsampa ng kaso laban sa mga suspek.Patuloy ang isinasagawang hot pursuit operation ng mga awtoridad para matugis ang mga suspek.Nakahanda rin umanong magbigay ang lokal na pamahalaan ng Tanza ng P100,000 reward money sa kung sino man ang makapagtuturo kung nasaan ang suspek.

Patay ang isang traffic enforcer matapos itong barilin ng isang lalaking nagmamaneho ng motorsiklo, mag-aalas sais Linggo ng gabi sa harap ng isang kilalang mall sa Tanza, Cavite.

Traffic enforcer binaril ng rider sa Tanza, Cavite

News

Entertainment

Lifestyle

Sports

Metro.Style

More

Traffic

Manila

Horoscope

News

Traffic enforcer binaril ng rider sa Tanza, Cavite

Izzy Lee,

ABS-CBN News

Published May 29, 2023 07:49 AM PHT

|

Updated May 29, 2023 05:03 PM PHT

Read More:

PatrolPH

Tagalog news

krimen

rehiyon

regions

regional news

Tanza

Cavite

traffic enforcer

shooting

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.