MAYNILA—Arestado ang isang security guard matapos mahuling nagdadala umano ng sumpak sa Taguig City.

Isinumbong ng isang concerned citizen ang sekyu dahil sa pagdadala di umano ng sumpak sa sa Brgy. Lower Bukod. Nakakuha ng dalawang bala dito ang mga awtoridad.

Nang kapkapan ang suspek, nakakuha rin sa kaniya umano ang 5 gramo ng hinihinalang shabu na may street value na abot sa P34,000.

Sa pag-iikot naman ng Sucat Police, nasakote nila ang 29-anyos na lalaki na may kalibre .38 na baril habang nakatambay sa isang eskinita sa Brgy. Cupang sa Muntinlupa.

Walang maipakitang kaukulang dokumento kaugnay sa baril ang lalaki.

• 400 sa Central Luzon tiklo sa paglabag sa gun ban

Ang mga nasamsam na hinihinalang ilegal na droga at mga armas naman ay isinumite sa SPD Forensic Unit para sa chemical analysis at ballistics examination.—Ulat ni Nico Bagsic, ABS-CBN News