Push Admin

Catcalling nakaambang ipagbawal sa Maynila

Article (news)

ABS-CBN News

Naghihintay ng lagda ni Manila Mayor Joseph &quot;Erap&quot; Estrada ang isang ordinansang magbabawal sa catcalling at iba pang uri ng public sexual harassment sa kaniyang lungsod.Sa ilalim ng draft ordinance 7857, mapaparusahan ang mga mapatutunayang guilty sa &quot;light offenses&quot; tulad ng paninipol, leering o malaswang pagtitig, paulit-ulit na panghihingi ng pangalan at cellphone number at mga sexual joke.Itinuturing namang &quot;medium offenses&quot; ang malalaswang galaw at paglalabas ng pribadong bahagi ng katawan sa mga pampublikong espasyo, samantalang &quot;severe violation&quot; ang panghihipo at stalking.Maaaring makulong nang isa hanggang 15 araw at pagmultahin ng P200 hanggang P1,000 ang mga mapapatunayang guilty sa light offense.Mapapatawan naman ang mga medium offenders ng isa hanggang 3 buwan na pagkakakulong at multang P1,000 hanggang P3,000, habang mahaharap ang severe violators sa 3 hanggang 5 buwan na kulong at multang P3,000 hanggang P5,000.Maaaring may mabago pa sa draft ordinance habang hindi pa ito naaaprubahan ni Estrada.Gayunman, napuri na ang ordinansa ng ilang residente, gaya ni Lyn Camallere, na may isang dalagitang anak na nasipulan kamakailan sa isang computer shop.&quot;Sipol-sipol lang po noong una tapos hawak na po sa buhok. Siyempre pangit po sa anak ko iyung mangyaring ganoon... Karamihan ngayon sa mga lalaki bastos na, makakita lang ng bata tulad ng anak ko, nagsho-shorts minsan, sisipol-sipolan,&quot; kuwento ng ginang.Nauna nang magpatupad ng kahawig na ordinansa ang Quezon City. Ulat ni Jervis Manahan, ABS-CBN News

Naghihintay ng lagda ni Manila Mayor Joseph "Erap" Estrada ang isang ordinansang magbabawal sa catcalling at iba pang uri ng public sexual harassment sa kaniyang lungsod.

Naghihintay ng lagda ni Manila Mayor Joseph "Erap" Estrada ang isang ordinansang magbabawal sa catcalling at iba pang uri ng public sexual harassment sa kaniyang lungsod.