Push Admin

'Trabahong kasambahay sa China, sahod na P100,000, peke'

Article (news)

ABS-CBN News

Nilinaw ng Philippine Overseas Employment Administration (POEA) na bawal mag-recruit ang Tsina ng mga Pinoy bilang household service worker (HSW) o kasambahay dahil wala pang job order para rito.Hindi rin totoong may 100,000 trabahong puwedeng pasukan sa Tsina.Isa sa mga interesado sana sa job opening si Alma Triumfante, isang HSW sa Saudi. Aniya, nakakaengganyo ang sinasabing P100,000 sahod sa China.Pero babala ng POEA, walang job opening ngayon para sa mga kasambahay sa China dahil wala ito sa kanilang database. Karamihan sa job openings ngayon sa China ay para lang sa mga teacher at call center agent.&quot;Lahat ng klase ng trabaho nasa website [ng POEA], kung wala, that job is nonexistent,&quot; ani Undersecretary Bernardo Olalia ng POEA.Paalala rin ng POEA, walang placement fee kapag HSW dahil lahat ito sinasagot ng employer. Kaya kapag naningil ang isang recruitment agency, ibig sabihin lumalabag ito sa patakaran nila.Ayon sa grupong Migrante, malalagay lang sa panganib ang mga Pilipino kung ide-deploy sa China bilang kasambay. Ipinaalala rin ng grupo kay Pangulong Duterte ang pangako niyang trabaho rito sa Pilipinas para hindi na mangibang bansa ang mga Pilipino.Samantala, nagbabala ang ahensiya sa mga recruitment website at social media accounts na ilegal na gumagamit sa pangalan at logo ng POEA.Ayon sa ahensiya, www.poea.gov.ph lang ang opisyal nilang website.Maaari namang kasuhan ng illegal recruitment ang mga mahuhuling gumagamit ng logo at pangalan ng POEA nang walang awtorisasyon.<div>--Ulat ni Zen Hernandez, ABS-CBN News</div>

Nilinaw ng Philippine Overseas Employment Administration na bawal mag-recruit ang Tsina ng mga Pinoy bilang household service worker o kasambahay dahil wala pang job order para rito.

Nilinaw ng Philippine Overseas Employment Administration na bawal mag-recruit ang Tsina ng mga Pinoy bilang household service worker o kasambahay dahil wala pang job order para rito.