Epekto ng ECQ sa kaso ng COVID-19 sa Metro Manila ‘di pa agad makikita: Duque

ABS-CBN News

MAYNILA - Hindi pa agad makikita ang epekto ng enhanced community quarantine (ECQ) kahit mag-iisang linggo na itong ipinatutupad sa kalakhang Maynila. Ayon kay Health Secretary Francisco Duque III, mabilis pa rin ang pagkalat ng virus. Nito lamang Miyerkoles, nakapagtala ang Pilipinas ng 12,021 karagdagang COVID-19 cases.“Tataas pa rin yan kasi makikita natin ang epekto nung dalawang linggo na ECQ, week after next pa. Pagka natapos yung second week ng ECQ, doon lang natin maumpisahang makikita kung nababawasan na ba ang kaso at saka may reversal ng trend,&quot; sabi ni Duque.&quot;Yung trend ang importante. Kahapon, tumaas. Tingnan natin ngayong araw. Harinawa, &#x27;wag namang sumipa nang mataas pa.”Sa panayam sa TeleRadyo Huwebes ng umaga, sinabi ni Duque na mataas pa rin ang 2-week growth rate, na ibig sabihin ay matulin pa rin ang pagkalat ng virus.Inilagay sa pinaka-istriktong lockdown level ang Metro Manila simula Agosto 6 hanggang Agosto 20 para pigilan ang pagkalat ng COVID-19 na posibleng dulot ng mas nakakahawang Delta variant. Sabi ni Duque, hindi pa masabi sa ngayon kung kakailanganing palawigin pa ang ECQ.“Mahirap pang magsalita kasi hindi pa tapos ang ating monitoring. At ang IATF, nagdedesisyon lamang batay sa rekomendasyon ng ating mga experts,” sabi niya.Samantala, itinanggi naman ni Duque ang pahayag ng samahan ng mga negosyante na posibleng na-sensationalize lang ang mga datos sa gitna ng banta ng Delta variant.“Hindi po ito sine-sensationalize. Ang batayan, malinaw. Ang datos natin, malinaw. Ang siyensiya, ang medisina ay talagang sinasabi na mag-iingat tayo dito dahil alam naman natin ang nangyari sa India, ang Indonesia, ang Malaysia. Grabe ang taas ng mga kaso. Tayo, talaga pinag-iingat ingatan natin ito na hindi tayo matulad sa kanila,” sabi ng Kalihim.Bukas naman aniya silang pag-aralan ang mungkahi ng Department of Trade and Industry na sa halip na ECQ ay ibaba na ito sa modified ECQ at magpatulad na lang ng granular lockdowns dahil sa malaking epekto sa negosyo at sa mga manggagawa.“Yung sinasabi ng DTI, pwede namang pag-usapan yan sa IATF. MECQ but really hard and tough na granular lockdowns, at huwag papayagan ang non-essential activities. Marami naman pwedeng &#x27;ika nga, tweaking or revisions,” sabi niya.<div>- TeleRadyo 12 Agosto 2021</div>

Hindi pa agad na makikita ang epekto ng enhanced community quarantine (ECQ) kahit magiisang linggo na itong ipinatutupad sa kalakhang Maynila.

Epekto ng ECQ sa kaso ng COVID-19 sa Metro Manila ‘di pa agad makikita: Duque | ABS-CBN

Halalan 2025

Entertainment

News

Metro.Style

Lifestyle

Sports

More

Traffic

Horoscope

News

Epekto ng ECQ sa kaso ng COVID-19 sa Metro Manila ‘di pa agad makikita: Duque

Epekto ng ECQ sa kaso ng COVID-19 sa Metro Manila ‘di pa agad makikita: Duque

ABS-CBN News

Published Aug 12, 2021 03:29 PM PHT

Read More:

COVID-19

Coronavirus

Metro Manila ECQ

Health Secretary

Francisco Duque III

Metro Manila lockdown updates

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.