Push Admin

Ilang operator hirap umanong mag-apply online para sa bagong fare matrix

Article (news)

ABS-CBN News

MAYNILA — Nahihirapan ang ilang operators na kumuha ng bagong fare matrix online na kailangan upang makasingil ng taas-pasahe, sabi ng transport group na Pinagkaisang Samahan ng mga Tsuper at Operators Nationwide (PISTON) ngayong Martes.&quot;Sa ngayon hindi pa rin naaayos halos lahat &#x27;yung ating mga fare matrix ... hindi lamang sa mga miyembro ng PISTON kundi sa kabuuan dahil sa hirap ng pagkuha dahil dumadaan pa tayo sa online,&quot; sabi sa TeleRadyo ni Mody Floranda, national president ng PISTON.&quot;Hirap po &#x27;yung ating operators dahil hindi naman sanay na mag-online-online &#x27;yung ating operators,&quot; dagdag ni Floranda nang tanungin kung nakatutulong ang online na pagkuha ng matrix.Matatandaang nagbukas ang Land Transportation Franchising and Regulatory Board (LTFRB) sa Metro Manila ng <a href="https://news.abs-cbn.com/news/10/05/22/online-application-para-sa-fare-matrix-binuksan">online application</a> para sa mga driver at operator na nais kumuha ng fare matrix. <ul class="op-related-articles">	<li><a href="https://news.abs-cbn.com/news/10/02/22/taas-pasahe-pagpaskil-ng-bagong-fare-matrix-kailangan-para-makasingil">Mga tsuper kailangan munang magpaskil ng fare matrix bago magtaas ng pasahe</a></li></ul>Naging epektibo noong Lunes ang <a href="https://news.abs-cbn.com/news/10/01/22/dotr-fare-hike-to-push-through-on-oct-3">taas-pasahe</a> sa halos lahat ng pampublikong sasakyan pero hindi puwedeng maningil nito ang mga tsuper kung walang nakapaskil na fare matrix o taripa sa loob ng sasakyan.Dahil dito, hirit ni Floranda sa LTFRB, baka puwedeng kada asosasyon na lang ang application ng fare matrix para mas madali nang makakuha ng kopya ng taripa ang operators.Batay aniya sa datos ng LTFRB, nasa 4,000 o 10 porsiyento pa lang ang nakakakuha ng fare matrix sa Metro Manila.&quot;Patuloy pa rin nilang iginigiit na kailangang mag-online ang ating operators. Ito &#x27;yung tinutulak nila, kailangan daw dumaan doon sa online, hindi raw puwedeng diretso sa LTFRB,&quot; ayon kay Floranda. &quot;Kaya lang ang nagiging malaking problema ay &#x27;yung kahirapan ng pagkuha ng ating fare matrix,&quot; aniya.<ul class="op-related-articles">	<li><a href="https://news.abs-cbn.com/news/10/02/22/many-puvs-unable-to-implement-oct-3-fare-hike-transport-groups">Many PUVs unable to implement Oct. 3 fare hike: transport groups</a></li>	<li><a href="https://news.abs-cbn.com/news/10/03/22/puv-operators-rush-to-get-new-fare-guide">PUV operators rush to get new fare guide</a></li></ul><div>— TeleRadyo, 11 Oktubre 2022</div>

Maraming operators ang hirap kumuha ng bagong fare matrix online, ayon sa grupong PISTON ngayong Martes.