Push Admin

Presyo ng pulang sibuyas sa Marikina public market mas mataas sa SRP

Article (news)

ABS-CBN News

Simula pa Agosto ng tumaas ang presyo ng pulang sibuyas dito sa Marikina Public Market.Ayon sa mga nagtitinda, inaasahan pa nila na tataas ito sa mga susunod na araw.Sa ngayon nasa 180 pesos ang kada kilo ng sibuyas. Ito&#x27;y sa kabila ng ipinapatupad na suggested retail price o SRP ng Department of Agriculture dahil nga sa namonitor na pagtaas ng presyo ng sibuyas na umaabot sa 200 pesos kada kilo sa ilang pamilihan sa Metro Manila.Maging ang mga supplier, nangangamba rin sa epekto ng SRP. Karamihan kasi sa mga sinusupply nilang mga sibuyas ngayon ay galing sa mga cold storage facilities sa Nueva Ecija.Ang problema dito pabago bago umano ang presyuhan.Mas malulugi umano sila lalo na kung may mga bulok pang sibuyas na makakasabay sa mga nakukuha nila.Ngayong araw magsisimulang magikot ang Department of Agriculture para tingnan kung nasusunod ang 170 pesos na SRP.Samantala, wala pa ring supply ng puting sibuyas ngayon. Ayon sa mga nagtitinda, kinukumpiska ngayon ang mga puting sibuyas dahil galing ito sa ibang bansa.Bukod sa sibuyas inaasahan na tataas din ang presyo ng bawang.Sa ngayon nasa 85 pesos ang kada kilo ng bawang pero sa susunod na buwan ayon sa mga nagtitinda posibleng umabot ito sa isang daang piso.

Sa ngayon nasa 180 pesos ang kada kilo ng sibuyas. Ito'y sa kabila ng ipinapatupad na suggested retail price o SRP ng Department of Agriculture.