160th birth anniversary ni Bonifacio, ginunita sa Caloocan; trapiko, bumigat

Robert Mano, ABS-CBN News

Pinangunahan ni Executive Secretary Lucas Bersamin ang programa kaugnay sa ika-160 anibersaryo ng kapanganakan ni Andres Bonifacio sa Bonufacio National Monument sa Caloocan.Si Bersamin ang kumatawan kay Pangulong Ferdinand Marcos Jr. at nanguna sa pagtataas ng watawat ng Pilipinas at pag-alay ng bulaklak sa bantayog ni Bonifacio.Dumalo rin sa programa ang mga miyembro ng diplomatic corps kabilang si Archbishop Charles Brown, ang Papal Nuncio to the Philippines at Dean of the Diplomatic Corps.Sa programa, binasa ni Bersamin ang mensahe ng Pangulo ngayong Bonifacio Day.Ani Marcos, si Andres Bonifacio ay isang ordinaryong Pilipino na nangarap at nagpamalas ng kakaibang katatagan at pamumuno sa oras ng matinding pangangailangan.Ito anya ang dahilan kaya nagbibigay-pugay ang bansa kay Bonifacio at sa iba pang mamamayan na nagbuwis ng buhay para sa bayan.&quot;Inaanyayahan ko rin ang bawat isa na tularan ang kaniyang kabayanihan at pagmamahal sa bayan, at ipakita ang mga ito sa ating pang-araw-araw na gawain,&quot; ani Marcos sa kaniyang mensahe.&quot;Sa diwa ni Gat Andres Bonifacio, tayo ay tinatawag hindi lamang ialay ang buhay sa inang bayan kundi pati ang pagbuhos ng kahusayan, galing, tapang, at oras upang ang bawat hakbang maging ilaw na pag-asa at inspirasyon para sa ating mga kababayan,&quot; dagdag niya. Kasabay nito, kinilala rin ni Marcos ang sakripisyo para sa bayan ng mga manggagawa, pulis, militar, medical practitioners, mga guro at OFW.Nakikita anya niya ang kabayanihan ni Bonifacio sa mga dedikasyon nila sa trabaho at pagmamahal sa bayan.Sabi naman ni Caloocan Mayor Dale Malapitan, hindi dapat matapos sa pag-alala ang tungkulin sa bayan at kapwa. Kailangan anyang isabuhay ang turo ni Bonifacio at maging mabuting ehemplo.Si Andres Bonifacio ay isinilang noong Nobyembre 30, 1863 sa Tondo Maynila.Binuo at pinamunuan niya ang Katipunan, na nilayong tuldukan ang nasa 300 taon na pagsakop ng Espanya sa Pilipinas. Bilang pagkilala sa papel niya sa kalayaan ng Pilipinas, isang eskulturang gawa ng Pambansang Alagad ng Sining na si Guillermo Tolentino ang itinayo sa Rizal Avenue at EDSA. Dahil naman sa programa para sa Bonifacio Day, isinara ang ilang kalsada sa paligid ng Monumento Circle na nagresulta sa mabigat na daloy ng trapiko. Dakong alas-9:15 ng umaga nang simulang makadaan ulit sa Monumento Circle ang mga sasakyan. <ul class="op-related-articles">	<li><a href="https://news.abs-cbn.com/news/multimedia/photo/11/27/23/groups-call-for-wage-increase-on-bonifacio-day">Labor groups push for higher wages on Bonifacio Day</a></li></ul>

Ginunita sa isang programa sa Caloocan ang ika-160 na kaarawan ng pinuno ng Katipunan na si Andres Bonifacio, Huwebes. 

160th birth anniversary ni Bonifacio, ginunita sa Caloocan; trapiko, bumigat | ABS-CBN

Entertainment

News

Metro.Style

Sports

More

News

160th birth anniversary ni Bonifacio, ginunita sa Caloocan; trapiko, bumigat

160th birth anniversary ni Bonifacio, ginunita sa Caloocan; trapiko, bumigat

Robert Mano,

ABS-CBN News

Published Nov 30, 2023 10:02 AM PHT

|

Updated Nov 30, 2023 10:54 AM PHT

Read More:

Andres Bonifacio

Bonifacio Day

Philippine hero

history

Katipunan

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2025 ABS-CBN Corporation. All Rights Reserved.