Push Admin

Lalaki na tumangay umano sa 3 bata arestado sa QC

Article (news)

ABS-CBN News

MAYNILA—Nahuli ng mga awtoridad ang isang lalaki na tumangay umano sa tatlong bata sa Barangay Bahay Toro sa Quezon City.Nakakulong ngayon sa detention facility ng Station 3 ng Quezon City police ang 26 anyos na suspek na tumangay sa 3 batang sa Barangay Bahay Toro pasado alas 2 ng hapon nitong Martes.Nasa edad 13, 12 at 9 ang mga bata. Isa sa mga ito ay babae.Kwento ng nanay ng isa sa mga bata, napunta sa lugar nila ang suspek para humingi ng tulong dahil na-holdup umano ito. Tinulungan naman nila ito para kumalma habang hinihintay ang ina at sinasabing police colonel na tiyuhin na susundo dito.Pero makalipas ang 45 minuto napansin ng isang residente na bigla na lamang umalis ang suspek kasama na ang tatlong bata. Agad na hinanap ito ng mga magulang.Inabot ng magtatatlong oras bago natunton ang suspek sa isang drug store sa Barangay Tandang Sora.Sa CCTV ng Tandang Sora, makikita na kasama ng suspek ang tatlong bata. Nang lapitan ito ng kamag-anak na nakakita sa mga bata, tumanggi pa ang suspek na ibigay ang isang bata. Nang sumama na ang bata sa tiyuhin tumakbo na ang suspek sa loob ng drug store. Dito na siya nahuli ng pulis at ilang opisyal ng Tandang Sora.<ul class="op-related-articles">	<li><a href="https://news.abs-cbn.com/news/11/22/22/kidnap-suspect-who-pretended-to-be-cop-arrested-in-batangas">Kidnap suspect who pretended to be cop arrested in Batangas</a></li></ul>Ayon sa nanay ng isa sa mga bata, pinangakuan ang mga bata na bibilhan ng damit, papakainin sa restaurant at bibigyan ng pera.Tinangka pa umanong isakay ang mga ito sa taxi pero hindi pumayag ang pinarang taxi, kaya ang ginawa nito, inikot-ikot pa ang mga bata sa bahagi ng Congressional Avenue.Kinukunan pa ng video ang bata, ayon sa nanay, habang may kausap ito.Sa presinto, todo tanggi ang suspek sa paratang sa kanya. Paiba-iba din ang pahayag nito. Sinama niya raw mga bata para sa proteksyon niya.Nakuha sa suspek ang isang kutsilyo. May mga laman ding cosmetic products gaya ng make-up ang bag nito na ayon sa suspek, ginagamit niya sa kanyang pagba-vlog.Mahaharap sa kasong child abuse at kidnapping ang suspek. Wala itong piyansa, ayon sa PNP.Ayon pa sa PNP, inamin din ng suspek na gumagamit ito ng ilegal na droga.Nagbabala naman ang PNP sa mga magulang bantayang maigi ang mga anak lalo na kung nakatira sa mga matataong lugar.—Ulat ni Jose Carretero, ABS-CBN News

Nahuli ng mga awtoridad ang isang lalaki na tumangay umano sa tatlong bata sa Barangay Bahay Toro sa Quezon City.