Push Admin

Transport strike ng PISTON umarangkada na, ilang pasahero apektado

Article (news)

Job Manahan at Lyza Aquino, ABS-CBN News

MAYNILA — Inireklamo ng ilang commuter nitong Huwebes ng umaga ang kawalan ng masasakyang jeep nang magkasa muli ng 2-araw na tigil-pasada ang grupong PISTON. Kuwento ng pasaherong si Jenny Grace Oguez, inabot siya ng higit isang oras sa paghihintay ng masasakyang jeepney papunta sa Monumento, Caloocan. Galing pa siya ng Maynila para mamili ng gulay at karne. “Ang calculate kong rides kapag walang strike, 30 minutes lang pero ngayon ‘di ko alam anong oras ako aabutin. Halos 2 oras na ako nag-antay,” ani Oguez. <ul class="op-related-articles">	<li><a href="https://news.abs-cbn.com/video/news/12/12/23/piston-to-push-through-with-transport-strike">Piston to push through with 2-day transport strike</a></li></ul>Ito rin ang idinadaing ng nursing student na si Junelyn Foronda na may thesis defense pa. Buti na lang daw alam ni Foronda na may transport strike kaya pumasok siya ng maaga para hindi siya ma-late. Tinututulan ng PISTON at iba pang jeepney association ang Dec. 31 na deadline para mag-apply sila ng franchise consolidation.Sa ilalim ng requirement na ito ng PUV modernization program, isusuko ng mga operator ang kanilang indibidwal na franchise at iko-consolidate ito sa iisang prangkisa na pag-aari ng kooperatiba or korporasyong magseserbisyo sa partikular na ruta. &quot;Dapat ito ay masusing pag-aralan ng administrasyon sapagkat kapag di na tayo nakabalik sa serbisyo sa January, malaking effect ito sa tinatawag na transport crisis,&quot; ani PISTON National President Mody Floranda. &quot;Saan sasakay ang halos milyong mamamayan na umaasa sa public transport? Papano sila pupunta sa kanilang mga trabaho at pagawaan?&#x27; dagdag niya. <ul class="op-related-articles">	<li><a href="https://news.abs-cbn.com/news/11/21/23/jeepney-operators-share-nightmare-about-consolidation">Jeepney operators share &#x27;nightmare&#x27; about consolidation</a></li></ul>Samantala, nakapanayam ng ABS-CBN News ang isang PISTON driver na namasada pa bago makiisa sa transport strike. Sabi ni Alejandro Leachon, galing pa siya ng probinsya at kakauwi lang niya ng Maynila para mamasada. Suportado niya ang panawagang hindi i-phase out ang jeepney at huwag i-consolidate ang mga operator. “Kawawa ‘yung mga driver kapag mawala talaga… nag-lockdown, kawawa ang mga bata,” ani Leachon. “Sana hindi ma-phaseout. Kawawa talaga ang mga driver. Dati… humingi kami ng ayuda sa mga tao,” dagdag niya. <ul class="op-related-articles">	<li><a href="https://news.abs-cbn.com/video/news/12/13/23/dotr-says-excess-of-jeepneys-in-metro-manila">DOTr says excess of jeepneys in Metro Manila</a></li></ul>Suportado rin ni Al Abella, isa pang tsuper, ang transport strike. Bagamat parte na ng kooperatiba si Abella, hindi niya raw pipigilan ang kanyang kasamahan na sumali sa tigil-pasada. “Susuporta kami,” ani Abella. “Dapat lang (sumama sa kooperatiba) para maayos naman ang pamamasada namin dito.” May pag-aalinlangan pa raw ang iba niyang kasamahang tsuper sa modern jeepneys, kaya hindi nila kayang suportahan ang modernization program ng gobyerno.

Idinadaing ng ilang commuter nitong Huwebes ng umaga ang kawalan ng masasakyang jeep ngayong nagkasa muli ng dalawang araw na tigil-pasada ang grupong PISTON. 

Transport strike ng PISTON umarangkada na, ilang pasahero apektado

News

Entertainment

Lifestyle

Sports

Metro.Style

More

Traffic

Manila

Horoscope

News

Transport strike ng PISTON umarangkada na, ilang pasahero apektado

Job Manahan at Lyza Aquino,

ABS-CBN News

Published Dec 14, 2023 08:51 AM PHT

|

Updated Dec 14, 2023 11:35 AM PHT

Read More:

Piston

tigil-pasada

transport strike

transportation

jeepney

tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.