Push Admin

Di bababa sa 50 patay, mahigit 200 sugatan sa pamamaril sa Las Vegas

Article (news)

ABS-CBN News

<div>- Ikinuwento ng isang Pinay ang karanasan nang mangyari ang pamamaril - Nakikipag-ugnayan ang Department of Foreign Affairs sa konsulado sa Amerika para malaman ang lagay ng Filipino community</div>Hindi bababa sa 50 ang patay at mahigit 200 ang sugatan matapos ang insidente ng pamamaril sa isang country music concert sa tapat ng Mandalay Bay Resort Casino sa Las Vegas, Nevada.Makikita pa sa isang video nang magkagulo at magtakbuhan ang mga tao nang marinig ang sunod-sunod na putok ng machine gun.Kuwento ng Pinay na si Maryann Estoy, tumakbo siya palabas ng casino kasama ang anak nang mangyari ang pamamaril.Iniwan na rin lang niya ang kaniyang kotse sa Mandalay Bay sa pagmamadaling makaalis.Aniya, nakasabay niya ang maraming iba pang nagtatakbuhan palayo sa casino.Sunod-sunod naman ang dating ng mga ambulansiya sa Las Vegas strip dahil sa dami ng mga sugatan.Balot ng takot ang karamihan sa mga Pinoy na nagtatrabaho sa Las Vegas casinos.May ilang ginamit ang social media para ipaalam sa kanilang mga kaanak na ligtas sila sa nangyaring pamamaril.Sa ngayon, sarado pa rin sa mga sibilyan ang kahabaan ng Las Vegas strip.Muli namang binuksan ang McCarran International Airport matapos pansamantalang suspendihin ang operasyon nito kasunod ng pamamaril.Kinompirma ng Las Vegas Metropolitan Police Department na namatay sa shootout ang suspek na taga-Las Vegas din.<div>-- Ulat ni Bev Llorente, ABS-CBN News</div>

Hindi bababa sa 50 ang patay at mahigit 200 ang sugatan matapos sa insidente ng pamamaril sa isang country music concert sa tapat ng Mandalay Bay Resort Casino sa Las Vegas, Nevada.

Hindi bababa sa 50 ang patay at mahigit 200 ang sugatan matapos sa insidente ng pamamaril sa isang country music concert sa tapat ng Mandalay Bay Resort Casino sa Las Vegas, Nevada.