Push Admin

Nasa 22,200 Chinese lang ang bumisita sa Pilipinas ngayong taon, ayon sa DOT

Article (news)

ABS-CBN News

MAYNILA—Nasa 22,200 lang na Chinese nationals ang bumisita sa Pilipinas ngayong taon, ayon sa isang tourism official.Ayon kay Department of Tourism Undersecretary Verna Buensuceso, OIC ng DOT tourism development, bago ang pandemiya, pangalawang malaking mga turista na nagpupunta sa bansa ang mga Chinese. Aniya, nasa 1.74 milyon taon taon noon ang bumibisita mula sa China. Pero ngayong taon, matapos ang dalawang taon ng pandemiya, nasa 22,236 lang ang naitalang bumisitang Tsino sa Pilipinas.Ani Buensuceso, isa sa mga dahilan ng malaking bawas ay dahil sa COVID-19 policies ng China, kagaya ng pagka-quarantine pagkabalik sa naturang bansa.Ngayong taon, mga Amerikano umano ang una sa listahan ng pinakamadaming turistang bumibisita sa Pilipinas, at pangalawa ang mga South Korean.Sinundan sila ng Australian, Canadian, British at Japanese tourists.Batay sa salaysay kamakailan ni Sen. Sherwin Gatchalian, sinabi ni Chinese Ambassador to the Philippines Huang Xilian na maaaring malagay ang Pilipinas sa tourism blacklist ng China dahil sa patuloy na operasyon ng mga Philippine offshore gaming operator (POGO). Bawal kasi ang ganitong klaseng pagsusugal sa China.<ul class="op-related-articles">	<li><a href="https://news.abs-cbn.com/video/news/10/11/22/pilipinas-delikadong-malagay-sa-tourism-blacklist-ng-china">&#x27;Pilipinas delikadong malagay sa tourism blacklist ng China dahil sa POGO&#x27;</a></li></ul><div>PAGBABALIK NG TURISMO SA BANSA</div>Tumataas na muli ang bilang ng mga turista makalipas ang ilang taong pandemiya sa Pilipinas, ayon kay Buensuceso.Noong 2019, naitala na mahigit 8.2 miyong turista ang bumibisita sa bansa. Nitong nakaraang Pebrero hanggang ngayon Oktubre, 1.7 milyong turista ang naitalang turista.Ani Buensuceso, tuloy-tuloy pa rin ang aktibidades ng tourism offices, partikular sa pag-anyaya na magtungo at bumisita sa bansa. Iba-ibang kampanya sa social media upang hikayatin ang mga turista na magtungo sa bansaMalaking tulong umano sa mga mangagawa at ekonomiya ang tourism ng bansa. Ani Buensuceso, kamakailan ay nagkaroon ng job fair and DOT katuwang ang DOLE kung saan umabot sa 8,000 ang nabigyan ng trabaho.Dapat madagdagan umano ang pondo ng turismo sa bansa, kung saan 11 sa 100 na empleyado ay mangagawa ng DOT.—SRO, TeleRadyo, Okt. 12, 2022

Ayon kay Tourism Usec. Verna Buensuceso, isang dahilan ng malaking bawas ng Chinese tourists ay dahil sa mahigpit na COVID-19 policies sa China.