Push Admin

Edu Manzano admits role on Bridges of Love is 'demanding'

Article (news)

Leo Bukas

<div><img src="" alt="030515-edu_main.jpg" width="400" height="290" align="left" border="0"/>Nagbabalik kapamilya ang TV host-actor na si Edu Manzano. Kasama siya nina Carmina Villaroel, Jericho Rosales, Paulo Avelino at Maja Salvador na humarap sa press para sa grand presscon ng  seryeng <i>Bridges of Love</i> na magsisimula na sa March 16 sa primetime bida ng ABS-CBN.</div><div> </div><div>Bagama’t walang pinirmahang kontrata sa ABS-CBN, masaya siya na nakabalik sa dating network na pinagsilbihan niya for almost 26 years.</div><div> </div><div>“Actually, freelance ako, but for the duration nitong teleserye, hindi muna ako gagawa sa iba or ng iba. Kasi believe it or not, napaka-demanding ng role na hinihingi sa akin itong <i>Bridges of Love</i>,” simula niyang pahayag.</div><div> </div><div>Tumigil na gumawa ng teleserye si Edu nu’ng pumasok siya sa gobyerno.</div><div> </div><div>“Ayoko kasing mag-divide ng time, and then movies, tinigil ko rin nung 2004. Ayoko kasing mapagbintangan ako na ginagamit ko yung career ko, so nung nasa OMB (Optical Media Board) ako, ang ginawa ko lang was yung <i>Game Ka Na Ba</i> kasi taping yon, eh, after 5 in the afternoon, pag wala nang office hour,” kuwento pa niya.</div><div> </div><div>Pinag-uusapan na rin daw ang paghu-host niya sa isang Kapamilya game show kaya lang ayaw muna niyang magbigay ng detalye tungkol dito.</div><div> </div><div>“I don’t think I’m at liberty yet to share kung ano exactly yung plano. Ang sarap gumawa ng game show, kaya lang talagang...” bitin niyang pahayag.</div><div> </div><div>May puwang pa ba siya sa game show ng Dos ngayong ang anak niyang si Luis Manzano na ang naghahari dito?</div><div> </div><div>“Kung siya ang hari, ang prinsipe,” pabiro niyang pahayag. “No, seriousy, kasi hindi naman puwede na lahat ng game show ay siya na lang di ba? Of course, meron ding game show na bagay naman sa akin. May mga game show rin na babagay lang sa kanya,” reaksyon pa niya.</div><div> </div><div>Dahil matagal na nabakante sa paggawa ng teleserye, inamin ni Edu na naghanda talaga siya sa muling pagsabak sa pag-arte.</div><div> </div><div>“Pinaghandaan ko talaga ito, totoo ‘yon. I lost weight, nag-experiment kami ng hairstyle. Nagpapayat ako, kasi alam ko na si Jericho, si Paulo ang makakasama ko.</div><div> </div><div>“Nine years akong hindi nakagawa ng teleserye, 2006 ang huli ko, yon pang kina Claudine (Barretto) at Piolo (Pascual). So, imaginin mo yon di ba? Kaya kailangan ko talagang maghanda, humaharap ako sa salamin, kinakausap ko yung sarili ko. Tapos kahit papaano, you start working out.</div><div> </div><div>“Tapos yung mga exercises sa acting ginagawa ko rin. Meron kasing tinatawag na “getting in the zone.” Kasi when you get in the zone, hindi na nagiging effort, hindi ka na nagiging conscious don sa mga lines, dapat mag-flow na yon, eh.</div><div> </div><div>“At saka pag alam mo nang makakaeksena mo yung mga... sina Jericho, sina Carmina, si Paulo, it has to come a second nature na parang hindi mo pinag-aralan,” pag-amin.</div><div> </div><div>Ayon pa sa aktor, nakadagdag din daw sa pressure na kailangan niyang maghanda sa <i>Bridges of Love</i> is the fact na sina Jericho at ang iba pang cast ang makakatrabaho niya.</div><div> </div><div>“Hindi na ako nagpa-party. Ako na rin ang naghahanda ng mga damit ko. Tapos pagdating sa set, alam ko na yung mga lines ko. Sa teleserye kasi ngayon, group effort na, eh. Dapat pare-pareho kayong mag-delliver.</div><div> </div><div>“Ninenerbyos pa rin nga ako sa set, eh. Sila tahimik lang. Pero yung nerbyos ko, dinadaan ko na lang sa kulit, yon ako, eh,” pag-amin pa niya.</div>

The seasoned actor admits he is nervous after a 9-year hiatus in doing a drama series.