Matapos maging hot topic ang pagkomento ni Senator Manny Pacquiao sa Instagram live story ni online celebrity Arzaylea Rodriguez, na-post din sa social media ang komento niya sa Instagram live chat ng American vloggers na sina Francesca Mariano and Ria Chiuffo.

Ikinagulat ng marami ang komento niyang “you can call me anytime.”

Read: American vloggers post Sen. Manny Pacquiao’s comments on their live chat

"Yes, ako 'yun kasi gusto nila akong interview-hin. Ininvite nila ako do'n sa New York, sa radio station nila, and then sabi ko, 'I am in the Philippines. I can't come.' So sabi ko, 'You can call me anytime,'" sabi ng senador sa ABS-CBN News.

"Oo, kasi ako talaga 'pag nag-o-open ako ng account ko sa IG 'pag may nakita ako parang live, tapos tinitignan ko. Kasi 'pag tignan mo siya mag-a-appear diyan na Manny Pacquiao is joining. 'Pag nakita nila, binati nila ako, 'Hello Manny Pacquiao.' Gano'n tapos do'n na, nagyaya sila," dagdag pa niya.

Sinabi rin niyang Diyos na ang bahala sa mga taong hinuhusgahan siya at binibigyang malisya ang komentong binitawan niya sa Instagram.