Sa naganap na media conference ng singer-performer na si Jake Zyrus para sa kanyang birthday at tenth year anniversary concert, ibinagi ni Jake ang kanyang napagdaanan na matinding pagod at depression.

Jake Zyrus @jakezyrusmusic nag open up sa kanyang pinagdaanang depression sa media conference ng Jake Zyrus Music & Me concert sa darating na May 25, 2018 #jakezyrus #MusicAndMe #Pushganap

A post shared by Push (@pushalerts) on May 3, 2018 at 12:31am PDT

“I've been there, yung talagang emotionally and physically pagod ka talaga, mahirap talaga. Hindi pa naman po ako naka-experience na mag-walkout,” bungad ni Jake.

Aniya, na-burn out din siya sa sunod-sunod na trabaho at lagaring schedule para kumita.

“Pero ako, sa totoo lang, for example kung talagang alam kong physically and emotionally hindi ko kaya, knowing myself, maaari siyang mangyari. But not intentionally mong gagawin yun. Mangyayari lang yun kung talagang puno na. Kumbaga, you know to yourself na puno na, exhausted ka na,” sambit ng singer.

Naging example pa ni Jake ang international singers na nagka-cancel ng shows kapag hindi kinakaya ang kanilang kundisyon.

“Minsan di ba, like sina Celine Dion, Mariah Carey, sometimes they cancel shows kapag hindi nila kaya. Yun ang kailangang intindihin ng mga fans dahil ako, fan din ako. Yun ang kailangang intindihin, kaysa naman talagang mapagod ang isang singer. Napakahirap, napakahirap talaga,” ani pa ni Jake.

“Kung talagang alam ng isang singer na hindi mo kaya, it's okay. I guess in the future, ang daming matututunan na kapag hindi mo kaya, mas better na i-move mo o mas better na i-cancel mo kaysa mapupuno yung heart and mind mo na mapapagod pareho.”

Magaganap ang Jake Zyrus Music & Me concert ngayong May 25 sa Sky Dome ng SM City North EDSA.