‘My Father, Myself’ malaking challenge para kay Jake Cuenca

Aminado ang cast ng MMFF movie na My Father, Myself sa pangunguna nina Jake Cuenca, Sean de Guzman, Tiffany Grey at Dimples Romana na malaking challenge para sa kanila ang gawin ang pelikulang idinirek ni Joel Lamangan.

Ani Sean: “Walang takot idinirek ni Direk Joel ang pelikulang ito. Walang takot din naming inarte ang pelikulang ito. So for me, this is something I’m very, very proud of."

“Kasi napakalaking challenge. This is a very big challenge for all of us. Kasi, hindi madali yung pelikula. Nung natapos ang lahat, nung natapos ang buong pelikula, umiiyak kaming apat," dagdag pa niya.

Para kay Jake worth it din daw na ibinigay niya nang buong-buo ang sarili sa mga maseselang eksena nila ni Sean sa My Father, Myself.

“It was worth it. It was worth the effort. It was worth, you know, going outside your comfort zone, doing things na hindi mo naman ginagawa sa totoong buhay," aniya.

“And for me, to be honest, ito rin naman ang dahilan kung bakit din naman ako artista, isang aktor. Para ma-challenge na makagawa ng isang pelikula na kakaiba sa iba pang mga pelikulang ipinapalabas. So for me, I take that with the highest honor,” pahayag pa ng ng aktor.

Read: Jake Cuenca bags nomination in Seoul drama awards

Ikinuwento rin ni Jake na umiiyak siyang pinasalamatan si Direk Joel habang nasa dubbing sila dahil sa kinabasan ng pelikula.

“Sabi ko nga kay Direk nung dubbing pa lang, niyakap ko si Direk, umiiyak ako, nag-thank you talaga ako sa kanya,” saad pa ni Jake.

Ang My Father, Myself ay isa sa walong official entries ng 48th Metro Manila Film Frstival (MMFF). Produced ito ng 3:16 Media Network at Mentorque Entertainment.

Sa pelikula ay gumaganap si Jake bilang human rights lawyer na asawa ng karakter ni Dimples at ni Tiffany. Dati siyang lover ni Alan Paule na nung namatay ay inampon ang anak nitong lalaki na ginagampanan naman ng Sean.

Pero ang twist ng istorya ay nagkagustuhan ang mga karakter nina Sean at Jake.

Base pa lang sa trailer ng peikula ay mukhang malaki ang laban ni Jake para maging Best Actor sa MMFF. Ano ang reaksyon niya dito?

“Naririnig ko lang na sinasabi sa akin iyan, naririnig ko lang na pinupuri ako ni Direk Joel, naririnig ko lang na pinupuri ninyo ako, ang laking bagay na talaga sa akin niyan,” gumagaralgal na sabi ni Jake during the mediacon of the movie.

Patuloy niya: “Kasi… ano kasi, itong pelikulang ito, sa totoo lang, hindi pa talaga ako handang magtrabaho pa. I wasn’t ready to work yet."

Read: Jake Cuenca shows gratitude on Instagram

“Pero kasi, rather than shy away from it, rather than matakot, buong puso ko siyang tinanggap. It was exactly what I needed in my life at that time," aniya. 

“So, for me, sa totoo lang, pagkatapos ng lahat ng nangyari sa pandemyang ito, lahat ng pinagdaanan nating lahat makarinig lang ako ng puri sa inyo, makita ko lang kayo, maka-face-to-face ko lahat ng tao, mapuri ako ni Direk ng ganito - ang laking bagay na sa akin. Panalo na po ako dun. So, maraming-maraming salamat po.”

Ipapalabas ang My Father, Myself sa mga sinehan sa December 25.