Sa simula pa lang ng grand mediacon ng FPJ’s Batang Quiapo ay nagpahiwatig na si John Estrada na wala siyang balak magsalita tungkol sa marital problems nila ng misis na si Priscilla Meirelles.

Bagama’t pangiti-ngiti lang si John kapag may insinuation ang press at maging ang isa sa cast ng BQ na si Ms. Charo Santos ay naililihis pa rin ni John sa topic ang kanyang sinasabi without being arrogant sa entertainment press.

“Alam kong mahal na mahal ako ng press kaya mahal ko rin sila,” pahiwatig pa ng aktor na sinagot naman ng karamihan ng, “Oo naman.” “So, alam n’yo na,” palambing na sabi ulit ni John.

Hanggang ngayon ay hindi pa rin nagbibigay ng pahayag ang aktor tungkol sa naging issue sa kanila ni Priscilla at sa umano’y pagkakaroon ng third party sa kanilang pagsasama bilang mag-asawa.

Kung pagbabasehan ang latest photos na ipinost ni John sa kanyang Instagram, mukhang nagkaayos na silang dalawa ng dating beauty queen at okay na okay na ulit ang kanilang pagsasama.

Pero pagkatapos ng Q&A sa mediacon ay marami pa rin ang nagtangkang press na usisain si John at tanungin kung paano naayos ang marital issues nila ni Priscilla.

BASAHIN: Priscilla Meirelles, nilinaw na ‘on good terms’ sila ni John Estrada

Matipid at mahinahon naman ang naging tugon dito ni John. Aniya, “Hindi ko puwedeng iano (sagutin) yan kasi pribado kong buhay ito. Although public figure ako, of course this is my life.”

And if ever man daw na meron siyang kailangang sagutin o sabihin ay don sa taong involved lang daw pupuwedeng magsalita.

“Kung mayroon man akong sagutan, sa pamilya ko lang yon, sa mga taong mahal ko, yon lang,” katwiran pa ng aktor.

Sundot na tanong sa aktor, “Pinag-usapan n’yo rin ba ni Priscilla na next time na magkakaroon kayo ng problema, hindi na ilalagay sa social media?”

“Ah, no comment ako diyan,” ang natatawang tugon ni John.

Noong kasagsagan ng kontrobersya sa pagsasama nina John at Priscilla, talagang na-bash nang bonggang-bongga ang aktor at hinusgahan agad siya ng publiko.

Naapektuhan ba siya sa mga hate message na natanggap niya? 

“Isa lang ang mantra ko sa buhay, kanya-kanyang trip yan. I don’t have to explain myself to everyone,” reaksyon niya.

Iginiit din ng aktor na hindi totoong may pinagdadaanan siya sa buhay.

“Wala naman akong pinagdaraanan,” paniniguro pa niya.

BASAHIN: John Estrada and Priscilla Meirelles celebrate 12th wedding anniversary

Matatandaang kinumpirma ni Priscilla na may pinagdaraanan sila ni John sa kanilang married life dahil sa mga cryptic post nito noon.

“I don’t understand why people are saying my posts are cryptic. The way I see it, I was very direct to the point.”

“I have been going through a rough time in my marriage for a while already for many reasons. And just like with anyone else, it has been tough. 

“I constantly pray for strength and wisdom and hope for better days ahead but the truth is napuno na ako,” post noon ni Priscilla.

“We try to fix the light first. This is basically what’s happening. We are talking. There is no major happening right now. I think the most important part is that we respect each other and we respect each other’s space. All is good,” dagdag pa niya.

Ilang linggo bago ang ginanap na mediacon ng Batang Quiapo  ay may sweet message din si John para sa asawang beauty queen.

“Thank you for being the perfect partner, I love you, my love!” mensahe ni John.

Ikinasal sina John at Priscilla noong March 2012 at nagkaroon sila ng isang anak na si Sammantha Anechka na 11 years old na ngayon.