Jaclyn Jose, inilahad kung bakit muling gumawa ng proyekto sa ABS-CBN after 10 years

In an interview with TV Patrol, sinabi ni Jaclyn Jose na may dahilan kung bakit pumayag siyang magbalik sa ABS-CBN at muling gumawa ng teleserye. 

Ang award-winning actress ay bahagi na ng top rating FPJ's Batang Quiapo na pinagbibidahan at idinidirek ni Coco Martin at napapanood sa iba't-ibang channels tuwing weekdays.

Ginagampanan ni Jaclyn ang role ni Corrections Chief Supt. Dolores Espinas, isang makapangyarihang opisyal sa loob ng kulungan. 

Magkakaroon ng kaugnayan si Espinas sa buhay ni Tanggol pero hindi pa nire-reveal kung ano ito.

Matatandaang first time in 10 years mula nang huling lumabas ulit sa ABS-CBN ni Jaclyn na ngayon ay 59 years old na. 

READ: Jaclyn Jose recounts being a sexy star in the ‘80s, how bigger stars treated her: ‘Sisindakin ka talaga’

Inalala ng aktres ang unang pagkakataon na nakatrabaho niya si Coco at kung paano siya napapayag maging bahagi ng Batang Quiapo.

Aniya: “Si Coco, parang anak ko na 'yan. Ang una niyang pelikula, kasama ako, Masahista, noong araw. Matagal na. At mula noon, hindi naman kami nag-lose contact. In short, nagkakausap pa rin…”

Ang Masahista na idinirek ni Brillante Mendoza ang nagbigay kay Coco ng Young Critics Circle Best Actor award.

Nagkatrabaho din ang dalawa sa ilang proyekto noon. Jaclyn played a supporting character in Coco's first lead teleserye Nagsimula Sa Puso, where the Kapamilya Primetime King starred opposite Maja Salvador.

Muli silang nagkatatrabaho sa primetime series na Kung Tayo’y Magkakalayo noong 2010.

Nang lumipat si Jaclyn sa GMA-7, hindi na ulit siya nakagawa sa ABS-CBN. Ang Kahit Puso’y Masugatan ang huling teleserye na ginawa niya sa ABS-CBN na umere noong 2013.

“Nagkataon lang na nasa ibang istasyon tayo at that time [kaya hindi] tayo nakapasok sa Probinsyano,” lahad niya.

Inamin din ni Jaclyn na pinangarap niya noon pa man na maging bahagi ng Probinsyano na tumagal din ng halos 7 taon.

“Ang pakiramdam ng artista, ako ha, kapag hindi ako nakapasok sa soap ni Coco, halimbawa itong Probinsyano na natapos, hindi kumpleto ang pagiging artista ko. May ganoong feeling. Hindi ko alam ang pakiramdam ng kapwa ko artista, pero ako, ganoon ang pakiramdam ko,” pahayag pa niya.

READ: Jaclyn Jose: ‘Huwag nating gawing puhunan ang ating mga anak sa kabuhayan’

Matatandaang malaki ang utang na loob ni Coco kay Jaclyn dahil ang aktres ang nagpakilala dito kay Direk Andoy Ranay na direktor ng afternoon series na Ligaw Na Bulaklak kung saan napasama si Coco sa cast.

Suko na dapat noon si Coco sa paggawa ng teleserye dahil hindi siya nabibigyan ng malaking break hanggang dumating ang Ligaw Na Bulaklak at unti-unti nang napansin ang husay niya bilang aktor hanggang sa nagsunud-sunod na ang kanyang mga teleserye.

‘Nga pala, naging bida sa Ligaw Na Bulaklak sina Roxanne Guinoo, Marc Abaya, Sid Lucero, at Ara Mina.