Cheyenne Suarez

Lasing na LTO personnel, nabangga ang 2 babae sa pedestrian lane

Article (news)

David Dizon

Arestado ang isang 39-anyos na kawani ng Land Transportation Office (LTO) matapos mabangga ang dalawang babaeng tumatawid sa pedestrian lane sa bahagi ng Barangay Sta. Cruz, Antipolo, Rizal, pasado alas-10 ng gabi noong Biyernes, Agosto 14.Sa kuha ng CCTV, kitang patawid sa kalsada ang isang grupo nang bigla na lamang dumiretso ang isang pulang kotse at nasagasaan ang dalawang babae.Mabilis na tumakas ang kotse na sinundan naman ng pulis na nakakita sa insidente.Sa dashcam video ng pulis, kitang hinabol nito ang suspek kasabay ng isa pang kotse at motorsiklo.Ilang beses nag-counterflow ang kotse at muntik pang banggain ang dalawang pulis na sumubok humarang sa kaniya.Muntik na rin itong mabangga ng isang bus nang kumaliwa pagkatapos ng intersection.Ilang stoplight ang dinaanan kung saan nag-beating the red light ang suspek bago naabutan at napatigil ng pulisya sa Barangay San Jose kung saan siya inaresto.Ayon kay PEMS Andy Evangelista ng Antipolo City Police na humabol at nakaaresto sa suspek, binabaybay niya ang Sumulong Highway nang makita ang insidente.&quot;Pagdating ko po doon sa malapit… nakita ko po &#x27;yung tumatawid na mga pedestrian, sa pedestrian [lane]. Nakita ko po &#x27;yung nahagip &#x27;yung dalawang babae. So akala ko po hihinto na po &#x27;yung kotse na pula para tulungan &#x27;yung mga biktima,&quot; pahayag ni Evangelista.Nagulat na lamang aniya siya nang magtuloy-tuloy ang kotse sa halip na huminto, kaya sinundan niya ito kasama ang iba pang nakakita sa insidente.&quot;Ang ginawa po nung ibang nakasaksi na sasakyan din, hinahabol din siya. May isang kotse… at saka isang motor. And then pangatlo ako. So &#x27;yun po, nung nasa may satellite kami, medyo na-hold ko na siya doon. Sabi ko, huminto ka na kasi mayroon ka nang aksidente. Pero hindi po nakinig itong driver at tuloy-tuloy pa rin siya hanggang sa makalayo kami,&quot; dagdag pa ng pulis.Inabot nang humigit-kumulang 10 minuto at 8 kilometro ang habulan sa kalsada bago tuluyang napatigil ang suspek.“So hinahabol namin siya… Hanggang sa naiwanan na po &#x27;yung motor, naiwanan na rin &#x27;yung [isa pang kotse]. So ako na &#x27;yung nagpatuloy sa paghahabol. Ilang stoplight &#x27;yung nadaanan namin, mga traffic light, and then nag-counterflow siya, parang dalawang beses yata,&quot; kuwento pa nito.&quot;Tapos habang hinahabol ko siya, tumatawag ako sa aming radio operator na paki-hold &#x27;yung hinahabol kong sasakyan. So nag-attempt din po &#x27;yung aming radio operator, harangin &#x27;tong kotse, dalawa sila. Makikita po &#x27;yun sa camera ko na humarang &#x27;yung dalawang pulis, muntik nang masagasaan,&quot; dagdag nito.Nang maipit at mapatigil ang sasakyan, sinabihan na ito ng pulis upang pumarada.&quot;Tinapat ko na sasakyan ko tapos buti naman naka-open &#x27;yung kanyang bintana. So nakita ko mag-isa lang siya. Medyo na-visualize ko na walang threat para sa akin kasi mag-isa lang din ako ng time na &#x27;yun eh. So sinigawan ko siya, nagpakilala akong pulis,&quot; ayon pa kay Evangelista.Kuwento aniya sa kaniya ng driver, hindi umano nito napansing may nabangga siya, ngunit binigyang-diin ng pulis na imposible ito dahil patuloy silang bumubusina habang naghahabol.&quot;Kung siya po ay nasa tamang normal na pag-iisip ng time na iyon, alam niya po na may nabangga siya. Pero ang dahilan niya sa akin, hindi niya raw alam na may nabangga siya kaya siya dumidiretso. Eh simula&#x27;t sapul ng paghahabol namin sa kaniya, bumubusina kami… Ako naman bubuntot lang pero bumubusina na kami para &#x27;yung ibang sasakyan maalerta rin, maharang din siya,&quot; sabi ng pulis.Nakalabas na ng ospital ang dalawang biktima at nagpapagaling na lamang.Samantala, ibinahagi ng kapatid ng 27-anyos na biktima na tumatawid ang kaniyang kapatid kasama ang katrabaho nito nang humarurot ang sasakyan at mabangga sila.&quot;Patapos na sila tumawid nang biglang may humarurot na sasakyan at nabangga sila... Marami siyang tinamong physical injury sa balakang kaya hindi pa siya nakakalakad o nakakaupo nang mag-isa,&quot; pahayag ng kapatid.Nakalabas ang biktima noong umaga ng Sabado at bagama&#x27;t malinis ang X-ray, nakatakda pa itong bumalik para sa follow-up check-up.Humingi naman ng paumanhin ang suspek at idinahilang &quot;hindi ko po sinasadya.&quot; Aniya, tumakbo lamang siya dahil &quot;natakot po kasi ako… Baka kuyugin ng tao.”Nang mapag-alamang empleyado ng LTO Quezon City District Office (QCDO) ang suspek, agad na naglabas ng pahayag ang LTO.Ayon sa opisyal na pahayag ng ahensya, ipinag-utos ng LTO chief ang “agarang pagbawi ng lisensya at habambuhay na diskwalipikasyon sa pagmamaneho” ng suspek.Ipinag-utos din ang legal at administratibong aksyon laban sa suspek.Batay sa paunang impormasyon ng ahensya, nakainom ang drayber nang mangyari ang aksidente noong gabi ng Agosto 14.&quot;Walang puwang sa LTO ang lasing na pagmamaneho, hit-and-run, at anumang kilos na naglalagay sa panganib sa buhay ng publiko. Lalo na kung ang sangkot ay mismong kawani ng ahensya na inaasahang nagpapatupad ng batas,&quot; pahayag ni Asec. Markus Lacanilao.&quot;Hindi siya bibigyan ng espesyal na trato. Kung kinakailangan siyang managot sa batas at mawalan ng trabaho, ipatutupad natin ito. Walang palakasan at walang pagtatakip sa LTO,&quot; dagdag pa niya.Tiniyak ng LTO na mahigpit nitong pananagutin ang sinumang mapatutunayang lumabag sa batas, sabay paalala sa lahat ng motorista na mahigpit na ipinagbabawal ang pagmamaneho nang nakainom at hindi kailanman katanggap-tanggap ang pagtakas sa pananagutan.Sa kasalukuyan, nakakulong na ang suspek sa custodial facility unit ng Police Community Precinct ng Antipolo CCPS at nahaharap sa mga reklamong reckless imprudence resulting in physical injuries at abandonment of one’s own victim.

Arestado ang isang 39-anyos na kawani ng Land Transportation Office (LTO) matapos mabangga ang dalawang babaeng tumatawid sa pedestrian lane sa bahagi ng Barangay Sta. Cruz, Antipolo, Rizal, pasado alas-10 ng gabi noong Biyernes, Agosto 14.

Arestado ang isang 39-anyos na kawani ng Land Transportation Office (LTO) matapos mabangga ang dalawang babaeng tumatawid sa pedestrian lane sa bahagi ng Barangay Sta. Cruz, Antipolo, Rizal, pasado alas-10 ng gabi noong Biyernes, Agosto 14.