Tampok sina Maki, Angela Ken, at Bugoy Drillon

Kilig ngayong tag-init ang hatid ng outdoor screening event na “Summer For Reel” tampok ang blockbuster film na “Love You to the Stars and Back” sa darating na Mayo 4 (Sabado) sa Boracay.

Swak para sa masayang summer bonding kasama ang pamilya at barkada ang bagong handog ng ABS-CBN Films, ABS-CBN Music, at Cinema One kung saan makikisaya rin sina Maki, Angela Ken, at Bugoy Drillon na may kani-kaniyang baon na special acoustic performances.

Susundan ito ng pagpapalabas ng “Love You to the Stars and Back” movie nina Joshua Garcia at Julia Barretto na iikot sa alien hunt adventure nina Mika (Julia) at Caloy (Joshua) na maghahatid sa kanila ng aral sa buhay at pag-ibig.

Bukod sa movie screening at musical performances, magkakaroon din ng beach sports at on-stage games. Libre ang admission sa event na pangungunahan ni Aiyana Perlas bilang host.

Makisaya sa “Summer For Reel” na gaganapin ngayong Mayo 4 (Sabado) sa Boracay Station 2. Para sa karagdagang detalye, sundan ang Cinema One sa Facebook, Twitter, Instagram, TikTok, at YouTube at Star Music sa Facebook, X (Twitter), Instagram, TikTok, at YouTube.

Para sa iba pang updates, sundan ang @abscbnpr sa Facebook, X (Twitter), Instagram, TikTok, o bisitahin ang www.abs-cbn.com/newsroom.