Nathalie Hart, inaming minsan nang napagkamalang bakla

Watch more in iWantv or TFC.tv

Dahil sa kanyang pagiging open-minded, minsan na umanong napagkamalang bakla si Nathalie Hart.

Ayon kay Nathalie, nasa isang bar sa Los Angeles, California siya nang tanungin siya ng kanyang kausap kung saan siya nagpa-opera.

"May lalaking lumapit sa akin, so binibigyan niya akong drinks the whole night. Tapos sabi niya, you know what, you look so great. Where did you have your surgery? Akala nung lalaki, bakla ako," kuwento niya.

"I was really stressed. Nagalit ako. Ano ka ba, babae nga ako," dagdag pa niya.

Ayon pa kay Nathalie, mayroon siyang dalawang kapatid na bakla kaya nakuha na rin niya ang ugali at paraan nila ng pagsasalita.

"Kasi siguro nasanay ako na kausap ko palagi 'yung kapatid ko, lagi niya akong mine-message, so ganyan, 'yung ugali niya nakukuha ko minsan."