Geneva Cruz at KC Montero, sumalang sa 'EXpecially For You'

MAYNILA -- Sumalang sa "EXpecially For You" ng "It's Showtime" nitong Sabado ang ex-celebrity couple na sina Geneva Cruz at KC Montero. 

Dito binalikan ni Cruz at Montero ang naging simula ng kanilang pag-iibigan na nagsimula sa kanilang unang pagkikita sa isang bar sa Quezon City. 

"I wasn't expecting that time na magka-boyfriend or anything kasi may baby rin ako three and half lang si Heaven (son) non so, 'yun yung gusto kong gawin maging mommy muna. And then he came along he was this cool dude na from the states na friendly ganyan tapos (Bago lang siya sa pinas?) Oo bago lang si kuya niya 'yung matagal na dito," kuwento ni Cruz. 

Ayon kay Montero na nag-e-explore ng karera noon sa Pilipinas, hindi niya alam na isang artista si Cruz na kaniya noong nakilala sa isang bar. 

"Parang hindi. Pero the first time I saw her sa SOP ata, singing siya doon. Parang, wow ang galing niya," ani Montero. 

At sa kanilang unang pagkikita, nabuo ni Cruz at Montero ang pagkakaibigan na nauwi sa pagbuo ng isang pamilya kasama ang nag iisang anak ng singer na si Heaven. 

"Siguro yung first time niya ma meet 'yung anak ko na si Heaven 'yun tumatak talaga. Kahit sinong single mom naman tatatak 'yung ganung klaseng memory kasi siyempre may suitors, pero si KC lang 'yung nagustuhan ko at pinayagan ko na siya na ipakilala siya kay Heaven," ani Cruz. 

Ayon sa ex-couple naging masaya ang halos sampung taon na pagsasama nila sa Amerika.

"Ako very open naman ako sa story namin ni KC, palagi sinasabi na, [he's] wonderful, that he would do anything for his wife," kuwento ni Cruz. 

"So you had a good one?" sundot na tanong ni Vice kay Cruz. "I had a good one," sagot ni Cruz.

Tinulungan naman ni Montero na makahanap ng bagong makaka-date si Cruz sa dulo ng segment.

RELATED VIDEO: