Anna Marie Lukban

Student leader na si Marj, nakuha ang 500k na jackpot prize sa Laro Laro Pick | It’s Showtime 

Article (news)

ABS-CBN Studios

Isang hinga na lang, darating na rin ang araw ng pahinga para sa karamihan ng Pilipinong manggagawa. Eh, doon naman sa mga may weekend trabaho, relax lang. Nandito naman ang “It’s Showtime” para mas pagaanin palagi ang araw n’yo.Mare-relax ka talaga ‘pag sa’yo ay may nangharana, tapos gwapo pa tulad ni Jericho Rosales, ay, himlay malala ang puso ng mga miss. Ready, sing, “Ikaw pa rin…” Oo na, Echo, ikaw pa rin ang heartthrob ng mga kababaihan, ng mga titas man o kabataan. Pati si Ogie Alcasid, ‘nainggit?’ Bet niya kasi ng high waist style katulad ng kay Jericho, pero paano raw kung medyo kinulang siya sa height? Lumalabas talaga ang kulit side ni Jericho kapag kasama niya ang ‘Showtime’ family, ‘no? Syempre, hindi natin palalampasin na marinig nang live ang kanyang ala-Manuel Quezon na accent. Grabe! Ang galing! Mga certified achievers sila sa eskwela! Mga student-leaders na “ate” at “kuya” ng paaralan. Ma-lead din kaya nila ang swerte at ang P500k POT money sa “Laro Laro Pick” game arena? Bago ang lahat, welcome back Kim Chiu! We’re lovin’ the short hair na super chic! Na-miss ka raw nila Jhong Hilario at Vhong Navarro, kaya ang kulitan, ay, ‘matic! Sumalang din si guest co-host Bianca Umali as one of the representatives ng madlang people sa studio, kasama nina Lassy, Jugs Jugueta, at Ion Perez. Kinilala ng hosts si Red, isang Psychology student. Kung akala n’yo ay masyado siyang busy sa pagiging student-leader and no more time na sa paghahanap ng forever, sorry, pero keri niyang pagsabayin ang pag-aaral at dating. Inspired ‘yan siya! Si Blen naman ang makata ng grupo, major niya kasi ay Filipino. Eh kung makatang salitaan lang naman ang labanan, pambato natin si Kuys Vhong d’yan! Sa husay ni Blen magsalita, kuhang-kuha niya ang atensyon ng madla. Lalong lumakas ang hiyawan sa studio dahil sa panukala niya na gawing minimum wage earners ang mga pulitiko. Kung ang pagsisilbi nga naman ay galing sa puo, aba, hindi na dapat issue ang sweldo. Si Madie naman ang strong but softie girlie. Dapat firm sa pagiging leader, pero soft pa rin minsan para marinig ang boses ng mga estudyanteng kanyang ipinaglalaban. Laban na laban ang students sa unang round pa lang na “Illuminate or Eliminate” hanggang sa “It’s Giving” kung saan ang category ay mga Pilipinong bayani na nabanggit sa isang 1997 book. At sa “You Gotta Lyric,” TJ Monterde’s “Palagi” ang bida sa sing-along. Uy, si Bianca nagbunyi na parang champion! First time niyang umabot sa PILImination. Parang nausog nga lang ang swerte dahil ang winning cake ay napunta s katabi niyang student-leader na si Marj. Si Marj ang student-leader na sumalang sa jackpot round ng “Laro Laro Pick.” Magaling siya sa numbers bilang Accountancy student. Ang hiling niya, sana mag-multiply ang swerte at ma-add sa kanyang bulsa ang P500,000 POT money. Magiging  magandang regalo ito for her mommy, na nagdiriwang ng kaarawan today! Bilang president ng student government, may angkin na tapang at paninindigan si Marj. Kaya hanggang dulo, buo ang loob niyang ilaban ang P500,000 POT question, kapalit ng P40,000 offer sa Li-Pot. Nabalot ng kaba ang studio nang basahin na ni Jhong Hilario ang tanong: “Ano ang popular full name ng kauna-unahang Filipina na magkakaroon ng star sa Hollywood Walk of Fame Class of 2026?” Si Marj, hindi sigurado. Pero sa loob ng limang segundo, nabanggit niya ang kanyang hula, “Lea Salonga.” Bumuhos ang emosyon ni Marj dahil ang hula niya ay tumama! Ang POT money na P500, 000 ay kanyang-kanya na nga! Deserve mo ‘yan, Marj! At deserve rin ni mommy na single parent. Kuwento ni Marj, labis ang kanyang paghanga sa ina, na hindi nahihiyang lumapit sa mga kakilala para humingi ng tulong. Hindi na sila mangungutang ulit dahil sa P500,000 na papremyo, buhay nila ay tiyak magbabago. Sa pagpapatuloy ng “Tawag Ng Tanghalan” Year 9 Pangkatapatan, mas umiinit pa ang labanan ng Pangkat Bughaw ni mentor Mark Bautista at Pangkat Luntian ni mentor Bituin Escalante habang papalapit sa pagtatapos ng round, lalo pa’t lumalayo na ang agwat ng Luntian.Mula sa Pangkat Bughaw, ipinamalas ni Lucky Nicole Galindez ang kakaibang charm ng “Golden” mula sa popular Korean film  na “KPop Demon Hunters” pero acoustic ang atake. Komento ni hurado Dingdong Avanzado, maganda ang choice of song pero sana ay inayos nang kaunti ang key para mas bumagay sa boses at style niya. Samantala, mula sa Pangkat Luntian, emosyonal si Anthony Dal during his mentoring with Bituin. Kung maaalala, nabanggit na ni Anthony sa mga nakaraang episodes ang tungkkol sa pakikipaglaban niya sa leukemia. Pero proud si Bituin sa kung paano ginagawang sandigan ni Anthony ang musika sa gitna ng mga pinagdadaanan niya. Pinuri ni hurado Kyla ang linis ng boses at pusong ibinuhos ni Anthony sa bawat nota. Dagdag naman ni Punong Hurado Ogie Alcasid, parang pinaghalong Rico Blanco at Bamboo ang vibe ni Anthony sa entablado.Matapos ang matinding bakbakan sa entablado, si Anthony ang itinanghal na panalo. Nakakuha siya ng 94% score, habang si Lucky ay nagtala ng 92%.Sa kabuuan, may 5 points na ang Luntian, samantalang 2 points pa lang ang Bughaw. Makakahabol pa ba ang Bughaw o tuluyan na silang matatanggal sa laban?

Marj, tama ang hula sa jackpot question at naiuwi ang 500k na premyo sa Laro Laro Pick!

Marj, tama ang hula sa jackpot question at naiuwi ang 500k na premyo sa Laro Laro Pick!