Arzen Rose Dulzura

72-anyos na si nanay Minda, nananatiling healthy dahil sa ZUMBA | It’s Showtime

Article (news)

Liezel Dela Cruz

Dear Santa, ang wish namin sa darating na Pasko, love, joy and hope. Sapat na kung sa puso ay mag ligaya at pag-asa. Pero, syempre, hindi kami tatanggi kung may Christmas bonus na malaki. Hihi!  Simulan na ang caroling season kasama sina JM Dela Cerna at Marielle Montellano. Sa mga boses nilang kasinlamig ng simoy ng hangin ika’y kikiligin! Parang mainit na tsokolate at bibingka, sina JM at Marielle, perfect ‘pag magkasama! Sigurado namang hindi malamig ang Disyembre nila dahil sa darating na Pasko, kasama nila ang kanilang paborito. Sino kaya ‘to? Ito ang sigurado, magiging paborito n’yo ang bagong Christmas single nila! At sino naman ang madlang player zumba dancer na makakatanggap ng maagang pamasko sa Laro Laro Pick?  Sabay-sabay tayo, itaas ang kamay at humataw nang humataw sabay sigaw para ma-attract ang positivity at makuha ang P250k Pot money! Sa Laro Laro Pick game arena, mga madlang zumba dancers ang bumida bilang players.  Parang amoy ointment banda doon sa studio, biro ni Jhong Hilario. Pero in fairness kay Minda, hindi mo aakalaing lola na siya! Talagang ang sayaw ay nakakabata, ‘di ba?! Ay, oh! Parang teenager kung kiligin ang lola n’yo! Kung siya ay mananalo, ilalaan niya ang premyo sa pag-aaral ng apo. Dahil sa totoo lang, balak na sana niyang patigilin ang apo sa pag-aaral dahil sa problemang pinansyal. Kaya kung siya’y mananalo, talagang malaking tulong ito.  Zumba, hindi inuman, ang hobby ni Nanay Tagay. Alam n’yo ba na ang ibig sabihin ng ‘tagay’ sa Batangas ay ‘nene?Diyan nagmula ang palayaw ni mommy! Hindi na kailangan pang hanapin ang fountain of youth, dahil para kay Tagay, mas effective na pampabata ang zumba. Sino bang mag-aakala na siya’y 72 years old na? May energy pa siya para maghanap ng friendships and connections sa mga dating apps, at ang bet niyang jowa, ‘yung afam!  Feeling young din si Mr. Cooldown, na sa kabila ng pinagdaanan sa kalusugan, wala pa ring awat sa sayawan!  Simulan na ang game na may kasamang dancing sa “Illuminate or Eliminate,” kung saan berdeng kahon ang dapat maapakan. Sa “It’s Giving,” folk dance ang kategorya, at sa “You Gotta Lyric,” tayo’y mag-ala Aegis muna. In 3, 2, 1, kaya’t ibigay n’yo na ang aming Christmas bonus!  Sa PILImination, ang magaling pumili at manindigan, siya ang dadapuan ng swerteng nag-aabang. Si Jhane, pinanindigan ang kanyang pwesto! Sakto! Siya ang nakakuha ng hinahanap na lobo, kaya sa jackpot round na siya didiretso.  Sa Laro Laro Pick jackpot round, magkahalong excitement at kaba na may malaking pananampalataya ang naramdaman ni zumba dancer Jhane, na aminadong matindi ang pangangailangan para sa pag-aaral ng dalawang anak sa kolehiyo at may bunso pang maliit.  Nasa awrahan ni Jhane ang pagiging palaban. Pero nang umabot sa P35,000 ang offer sa Li-Pot, naisip niyang palaban din naman ang taong marunong huminto. Dahil ang totoo, malaking tulong na ang P35,000! Ang puso niya, gustong piliin ang Pot pero sa pagiging praktikal, hindi na siya sumugal.  Siguro’y may panghihinayang dahil sa tanong na, “Ano naman ang tawag sa doktor na dalubhasa sa pagsususri at paggamot ng mga sakit sa puso,” nabanggit ni Jhane ang tamang sagot sa loob ng limang segundo. Pero para sa isang ina, palagi ang pipiliin niya ay ‘yung sigurado. Congrats, Jhane! Sa’yo ang P35,000!  Parang bagoong at mangga, mas masarap ‘pag magkasama. Ganyan ang mga tinig ng “TNT Duets 2” duos na sumalang sa entablado for today’s video.  Dalawang divas, nagbabalik para magpakitang-gilas. Sina Remy Luntayao at Jessa Montefalco, hinarana ang mga hurado, itinodo ang vocal power sa kantang “Somewhere.” Magka-sound na, magkamukha pa! Tunay ngang magkapatid sila! From TNT Seasons 1 and 2, ang kanilang talento, nakarating na sa ibang panig ng mundo. Sumali na rin sila sa “America’s Got Talent.”  Sabi ni hurado JM Yosures, may magic talaga ang blending ng magkakadugo. Pero puna niya, naging safe ang choices ng dalawa bagama’t nabuo pa rin nang maganda ang kanta. Agree si Punong Hurado Louie Ocampo. Dagdag naman ni hurado Nyoy Volante, bagama’t safe ay nabawi ito sa pagiging diva nina Remy at Jessa.  Nagningning ang husay nina Shirlyn Hida at Bhal Sagaysay sa pagkanta ng “Dyamante.” Madaya si Punong Hurado Louie sa kabuuhan ng performance. Aniya, may mga kaunting imperfections pero mas nagustuhan niya dahil mas mataas ang level of difficulty. Samantala, si hurado Nyoy naman ay aminadong may mga pagkakataong muntik na siyang bumilang.   Sa huli, mga tinig nina Shirlyn at Bhal ang nagwagi.

Parang amoy ointment banda doon sa studio, biro ni Jhong Hilario. Pero in fairness kay Minda, hindi mo aakalaing lola na siya! Talagang ang sayaw ay nakakabata, ‘di ba?!

Parang amoy ointment banda doon sa studio, biro ni Jhong Hilario. Pero in fairness kay Minda, hindi mo aakalaing lola na siya! Talagang ang sayaw ay nakakabata, ‘di ba?!