Nanay Bel at Amy, magkakaroon ng 'double date' sa Step In The Name Of Love | It’s Showtime

This Tuesday, we choose happiness. Walang halong echos, ang Showtime family, kayo rin chino-choose sa mga moments ng tawanan at good vibes lang.

At kasabay ng pagbuhos ng ulan, bumuhos din ang kilig sa studio dahil sa pagdating ng isang bagyo na tatawagin nating “Bagyong Kilig.” Ganyan kalupit humagupit ang talento ng grupong Cloud 7. Kilalanin sila at ang kuwento at inspirasyon sa likod ng kanilang kanta na "Bara- Bara."

Ma-inspire naman sa kuwento ng mga ‘senior citizens’ na magpapatunay na ang pag-ibig ay walang pinipiling edad sa “Step In The Name of Love.” At makibirit sa kantahang malupit sa “Tawag Ng Tanghalan Year 9.”

Dahil maulan ang panahon, paniguradong nilalamig ang mga mahal nating seniors. Eh, kung single at walang kayakap, maghanap na ng ka-match sa "Step In The Name of Love."

Ang magkumare na nagkatuwaan sa zumba, pag-ibig ang makikita. Si Nanay Bel, 73, 10 years nang biyuda. Aminadong hindi mawawala sa kan'yang puso ang ala-ala ng namayapang asawa na first love niya, pero hindi ibig sabihin na tuluyan na niyang isinara ang puso. "Rebirth" nga ang feeling niya dahil siya'y masaya at puno ng sigla.

Tapos may kaibigan siya "inggitera," este, supportive. Sa sobrang pagka-supportive ay sinamahan siyang sumalang bilang matchmate. Impromptu na 'to! Sina Bel at Amy, nagkasabay sa paghahanap ng date.

Dalawang hakbangers ang mapipili sa araw na 'to. Pwedeng ang retired police colonel na si Amor, 65, at sa kasalukuyan ay nagsisilbi sa simbahan. Si Vice Ganda, kinabahan! Nauna kasi ang pagbibiro kay Tatay Amor, na hindi niya akalaing pulis pala. Ang kaba, idinaan na lang sa patawa. Naalala raw niya ang ex na pulis, na sa sobrang sweet ay niregaluhan siya ng white gold na bracelet. Parang iba 'yun, Meme?! Wait, sino kayang peg ni Meme sa look niya today?

Mataas na energy naman ang bitbit ni Noel, former entertainer at singer, at 7 years nang biyudo. Sample naman, 'tay Noel! Pero pag si Tatay Amor ang nag-sample? Huwag na lang baka may masapul. Sa kulit ni Noel ar angas ni Amor, naalala nina Vice at Jhong Hilario ang mga "maoy" ng kanilang grupo . Ogie Alcasid, is that you?

Ayan na naman si Meme! Kabado dahil kay Chris, 60, former intelligence agent sa Camp Aguinaldo. Behave na raw sila ni Jhong at baka ma-headline pa.

Sa unang round of flexing, kinilala ng tatlong matitipunong daddies si Bel, na palakuwento sabi ni Amy. Siya ang source of chika after zumba. Pero biglang nagiging

quiet kapag galit. Umakyat tatlong hakbangers. Walang problema sa madaldal basta may sense ang sinasabi, ayon kay Chris. Si Noel naman ay handang makinig.

Kabaliktaran ni Bel si Nanay Amy. Kung siya ay madaldal, si Amy naman daw ay masyadong pormal at tahimik. Hindi ka sure, Mommy Bel. Si Amy lang daw 'yung tipong "nasa loob ang kulo." Muling umakyat ng hagdan ang tatlong gentlemen.

Sa round 3 kung saan ipinakita ang larawan ng dalawang magkaibigan, hakbangers ay magse-step up kung si Bel ang bet, at step down naman kung si Amy ang tipo.

Dalawang lalaki ang 'nag-agawan' sa puso ni Bel, pero sa huli, si Amor ang pinili. Bet din ni Amy si Chris, na kaisa-isang umakyat para sa kanya. Ang saya ng double date ng mag-BFFs na nagkukulitan lang sa zumba.

At si Noel ay mapupunta naman daw kay Kim Chiu dahil pareho silang nagba-bike! Siya na ba si Mr. "Ride"? Eme!

Tuloy na tuloy ang KanTapatan sa "Tawag Ng Tanghalan" Year 9.

Nagpakitang gilas si Icel Villanueva sa pagbirit ng "Akin Ka Na Lang." Boses niya ay nagustuhan ni hurado Mark Bautista, pero si Mark ang kinabahan dahil parang mauubusan daw ng hininga si Icel sa dulo ng kanta. Agree si Punong Hurado Louie Ocampo, na hindi maiwasang mag-alala kung tatamaan ba ni Icel ang bawat nota. Payo nito, maging confident pa. Kung si hurado Mark naman ang pipili ng kanta para kay Icel, tingin niya ay bagay rito ang mga biritan na pang-Lara Fabian, tulad ng "The Broken Vow."

"Domino" ni Jessie J naman ang itinodo ni Jeramae Edquila, na pinuri ni hurado Dingdong Avanzado. Mas magaling daw ito ngayon kaysa kahapon. But, she must work on her diction.

Si Jeramae ang itinanghal na bagong kampeon with 94.3% score, versus Icel’s 92%.

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide. 

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.

Viewers outside of the Philippines can also catch it on The Filipino Channel on cable and IPTV.