Arzen Rose Dulzura

Nanay Cora, nagagalit tuwing nakakakita ng couple na magka-holding hands | It’s Showtime

Article (news)

ABS-CBN Studios

Tuesday pa lang pero pang-Friday na agad ang pagod ng mga ferson? Well, mag-seat back and relax muna habang nananghalian dahil hindi lang isa kundi dalawang singing heartthrobs ang nagpakilig sa atin sa araw na ito, June 17, sa pamamagitan ng malalamig nilang tinig!Ilang linggo matapos na i-release ang kanilang first-ever music collaboration na “Pahinga”, magkasamang bumalik sa It’s Showtime stage sina James Reid at TJ Monterde upang haranahin tayong lahat gamit ang nasabing kanta at ipaalala sa atin na huwag basta-basta susukuan ang pag-ibig kahit na ano pa man ang mangyari.Nang usisain ng hosts kung paano nabuo ang collab nilang ito, ibinahagi ni James na si TJ umano ang nasa isip niya habang sinusulat ito dahil sa tingin niya ay swak na swak ang vibe nito sa kanya. Kaya naman agad niyang tinawagan si TJ pagkatapos na sulatin ang kanta upang imbitahan siyang maka-duet, at hindi naman siya nabigo dahil walang pag-aatubiling nag-“yes” si TJ. Ayon sa “Palagi” hitmaker, bukod sa isang James Reid ang nag-alok sa kanya na sumama sa proyekto, pakiramdam niya rin ay siya ang sumulat ng “Pahinga”.Ibinahagi rin nina TJ at James ang kani-kanilang paboritong linya mula sa awitin at inanyayahan ang lahat ng supporters nila mula sa iba’t ibang parte ng mundo na manood ng kanilang live shows here and abroad.Samantala, hindi naman nakatakas si “Ate Girl” Jackie Gonzaga sa panunukso ng kanyang co-hosts dahil sa kanyang agaw-atensyong orange dress na ikninumpara nila sa mango sago at melon.Tuloy-tuloy ang kilig na ating na-feel for today’s episode ng it’s Showtime dahil sa bagong set ng searchers at hakbangers ang ating nakilala sa Step in the Name of Love.Sinong mag-aakala na sa kabila ng pagsuporta nila sa magkaibang kandidato tuwing eleksyon sa nakalipas na mga taon, isang maganda at matibay na friendship pa rin ang nabuo sa pagitan ng sexagenarian besties na sina Cora at Glo? Matapos ang ilang taong pagsuporta sa magkaibang partido, finally ay naging magkakampi na rin sila noong nakaraang eleksyon, na tila mas nagpatatag pa sa kanilang pagkakaibigan.Habang ang ibang searchers ay kinailangan pang kumbinsihin ng kanilang besties na sumali sa dating game na ito, it’s actually the other way around para sa kanila dahil si Cora pa ang kumausap kay Glo para samahan siya rito at tulungang makatagpo ng posibleng bagong pag-ibig. Nang tanungin kung ano nga bang hinahanap niyang katangian ng lalaking ibig niyang maka-date, sinabi ni Cora na nawa ay medyo kahalintulad ng pinaka mamahal niyang yumaong asawa na ayon sa kanya ay kasingguwapo at kasing-kisig ni Christopher de Leon.Tatlong hakbangers muli ang sumubok na kunin ang atensyon ng ating searcher of the day, at sila ay sina Tony, isang 62-year-old family driver mula sa Quezon City; Alden, isang 69-year-old tricycle driver; at Bhoy, isang 66-year-old loving lolo mula sa Pandacan, Manila City.Kahit pa mas gusto ni Cora madalas na magsolo sa pagkain sa labas at panonood ng sine dahil gusto niyang makapag-concentrate at balikan ang mga alaala kasama ang yumaong asawa, napa-step up pa rin ang tatlong hakbangers matapos na ilarawan ni Glo ang kanyang bestie na masayahin, palaging nakangiti, napaka-supportive, at masarap magluto lalo na ng laing.Gayundin ang ginawa ng tatlong hakbangers matapos na malaman mula kay Glo na si Cora ay maalaga, malambing, at mapagmahal sa pamilya, lalo na sa kanyang asawa noong ito ay nabubuhay pa. Ito ay kahit pa selosa at mabunganga siya lalo na kapag nagagalit—na minsan ay humahantong pa nga sa pagpapa-barangay.Muling napaakyat ang tatlong hakbangers nang masilayan ang kagandahan ni Cora mula sa tablet na hawak ni Showtime dancer Neri. Sa kabilang banda, sina Tony at Bhoy ang nagbigay-kilig kay Cora sa unang beses nilang pagkikita kaya silang dalawa lamang ang kanyang pinaakyat. Sa bandang huli, napapayag ni Cora si Glo na mag-double date sila, kung saan ang ang makakapareha ni Cora ay ang napili niyang si Tony, habang si Bhoy naman ang kay Glo.Samantala, biniro naman ni Vhong si Tyang Amy Perez kung pwede bang siya ang maka-date ni Alden, ngunit mabilis itong hinadlangan ni Amy dahil mayroon na nga siyang asawa.Tila hindi maubos ang kilig feels sa studio ng It’s Showtime dahil umabot pa ito sa Tawag ng Tanghalan! Ito ay matapos hindi maitago ni daily contender Alcher Abuan ng Zamboanga Sibugay ang kanyang kilig nang makatabi at makausap pa sa entablado si Ate Girl Jackie Gonzaga during the interview portion.Pero bago ‘yan, nakipagtagisan muna siya ng husay sa pag-awit sa kanyang katunggali na si Daryl Barraquias, ang pursigidong nanay mula sa Misamis Oriental, sa daily round. “Sino ang Tunay na Baliw” ni Basil Valdez ang ipinambala ni Daryl, na nagpa-impress naman sa mga hurado na sina Zsa Zsa Padilla, Nonoy Zuniga, at Maestro Louie Ocampo.Samantala, si Alcher naman na isang proud iskolar at kontesero ay pinangiti at inaantig ang puso ng lahat sa kanyang rendisyon ng another classic OPM song na “Handog” na orihinal na inawit ni Florante.Sa pagtatapos ng kanilang kompetisyon, si Alcher ang itinanghal na daily winner matapos na makakuha ng gradong 93.7%, habang ang kalaban naman niya na si Daryl ay nagkamit ng 88%. Si Alcher ang makakaharap ng defending champion na si Precious Baraquil—na kanya ring kababayan—sa “Kantapatan” na magaganap bukas.Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide. On-demand viewing of programs&#x27; full episodes is available on <a href="https://app.iwanttfc.com/Mkr3OdLk6ab" target="_blank">iWantTFC</a>. Just download the app on <a href="https://play.google.com/store/apps/details?id=com.absi.tfctv" target="_blank">Google Play</a> or <a href="https://apps.apple.com/ph/app/tfc-tv/id549386004" target="_blank">App Store</a>, or visit <a href="https://app.iwanttfc.com/Mkr3OdLk6ab" target="_blank">iWantTFC.com</a>.Viewers can also continue to follow the show on Kapamilya Online Live on ABS-CBN Entertainment&#x27;s <a href="https://www.youtube.com/abscbnentertainment" target="_blank">YouTube channel</a> and <a href="https://www.facebook.com/ABSCBNnetwork/" target="_blank">Facebook page</a>.The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.Viewers outside of the Philippines can also catch it on The Filipino Channel on cable and IPTV.

Fun and entertainment like no other for the Madlang People on It’s Showtime