Arzen Rose Dulzura

Vice Ganda, proud na ibinahaging nasa ‘autism spectrum’ si TNT contender Yannie | It’s Showtime

Article (news)

Liezel Dela Cruz

Hindi naikubli ng <a href="https://www.abs-cbn.com/entertainment/studios/tv/itsshowtime" rel="noopener noreferrer" target="_blank">“It’s Showtime”</a> host na si Vice Ganda kung gaano siya ka-proud kay “Tawag ng Tanghalan” Season 10 contender Yannie Paul Basical dahil sa ipinamalas niyang husay sa pagkanta ng “Rise Like A Phoenix” ni Conchita Wurst sa unang araw ng national finals. Bagama’t lahat ng mga kalahok sa kompetisyon ay may angking galing, higit na espesyal ang paghanga at pride na nararamdaman ni Vice para sa pambato ng Region 3 dahil siya ay mayroong autism. “Sa mga unang beses palang siyang napanood na kumanta rito, ito ‘yong Kapamilya nating ipinagmamalaki dahil si Yannie ay nasa autism spectrum. Pero nakikita natin kung gaano kataas ‘yong talent niya,” saad ng “Unkabogable Star.” Dagdag pa niya, natutuwa siya na sa kabila ng kanyang kondisyon, napatunayan ni Yannie na ang kakayahan ng mga kagaya niya ay hindi limitado. Kaya nilang makipagsabayan sa kayang gawin ng iba at pwede rin nilang maranasan ang nararanasan ng lahat. Kaya naman masayang-masaya nila siyang tinatanggap at pinapalakpan sa “Tawag ng Tanghalan.” Proud ding ibinihagi ni Vice na parte ng isang musical play sa school nila si Yannie, kung saan siya ang in-charge sa mga musika na gagamitin nila sa produksyon. Dahil dito, napabaliktanaw sina Jackie at Vice sa kanilang memorable experiences sa pagsali sa school plays noong mga estudyante pa lamang sila. Good vibes at pag-asa ang hatid ng “<a href="https://www.abs-cbn.com/entertainment/studios/tv/itsshowtime" rel="noopener noreferrer" target="_blank">It’s Showtime</a>,” Lunes hanggang Sabado, 12 NN, sa ABS-CBN sa ALLTV2, GMA 7, A2Z, Kapamilya Online Live (KOL) at <a href="https://app.iwanttfc.com/dFR6MWHAcVb" rel="noopener noreferrer" target="_blank">iWant.</a>

Nasa autism spectrum man siya, pinatunayan ni TNT contender Yannie Basical na kaya niyang makipagsabayan sa kanyang mga katunggali.

Nasa autism spectrum man siya, pinatunayan ni TNT contender Yannie Basical na kaya niyang makipagsabayan sa kanyang mga katunggali.