Push Admin

Bakit madalas magutom, mauhaw, maihi ang may diabetes?

Article (news)

ABS-CBN News

Kabilang sa mga paunang sintomas ng diabetes, o ang pagkakaroon ng mataas na blood suger level, ang mas madalas na gutom, uhaw, at pag-ihi. May paliwanag ito, ayon sa nephrologist na si Russell Villanueva. Ayon kay Villanueva, hindi kayang i-convert sa enerhiya ng katawan ang sobrang asukal sa dugo, na nagdudulot ng labis na pagkagutom o polyphagia&quot;Hindi naco-convert sa energy hindi napo-process kasi nagkakaroon ng resistance para pumasok sa katawan kaya &#x27;yung katawan mo pakiramdam niya nasa starvation state siya, gutom siya,&quot; aniya sa &quot;Good Vibes&quot; sa DZMM. Madalas namang naiihi ang mga may diabetes sapagkat may nag-uudyok sa katawan na ilabas ang sobrang asukal sa kaniyang dugo, na kung tawagin ay polyuria. &quot;Sa sobrang taas na ng asukal sa katawan, kailangan nang maglabas ng asukal. Para ilabas ang asukal na yon tumutulong ang paglabas ng more water sa iyong (pag-ihi) to transport the tissue out,&quot; pahayag ng doktor. May mga pagkakataon din aniya na nilalanggam ang mga ihi ng may diabetes sa taas ng blood sugar ng katawan. Kaakibat nito, nakararanas ng polydypsia o madalas na pagkauhaw ang mga may diabetes dahil nauubos ang tubig sa katawan dala ng mas madalas na pag-ihi. Kapag nararanasan ang tatlong sintomas na ito ay ipinapayo ni Villanueva na ipasuri ang blood sugar level.

Nagtataka ka ba kung bakit madalas magutom, mauhaw, at maihi ang mga may diabetes?

Nagtataka ka ba kung bakit madalas magutom, mauhaw, at maihi ang mga may diabetes?