MAYNILA — Feeling blessed ang Bayan Patroller na si Dave Lampanizo matapos dumalo sa unang fiesta Mass ni Manila Archbishop His Eminence Jose Cardinal Advincula magmula nang maitalaga sa bago nitong posisyon noong Hunyo 24.

Masayang ibinahagi ni Lampanizo ang kanyang mga larawan mula sa misa sa Parokya ng Ina ng Laging Saklolo sa Punta, Sta. Ana, Maynila nitong Linggo, ika-27 ng Hunyo.

Ayon sa Patroller, ang sermon ay naka-sentro sa pagiging matatag sa gitna ng pandemya at sa paalalang si Hesus ay laging nariyan para tulungan ang lahat na malampasan ang mga pagsubok.

Dumalo si Lampanizo sa alas-sais na misa kung saan nasunod naman ang health protocols sa loob ng simbahan.