Push Admin

Suspek sa Christine Dacera case lumantad; kampo ng biktima may apela

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/1EfauAJ4GXU?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA – Humarap sa media nitong Martes ang pamilya ng flight attendant na natagpuang patay sa isang hotel sa Makati City noong Enero 1 matapos ang isang party. Samantala, itinanggi naman ng isang lumantad na suspek ang mga akusasyon. </p><ul class="op-related-articles">	<li><a href="https://news.abs-cbn.com/news/01/05/21/family-of-flight-attendant-found-dead-eyes-raps-vs-makati-hotel-more-suspects">&#x27;Many loose ends&#x27;: Family eyes raps vs Makati hotel, more suspects over flight attendant&#x27;s death</a></li></ul><p>Kasama ang kaniyang mga abogado, hustisya ang hiling ni Sharon Dacera, ina ng 23 anyos na biktimang si Christine.</p><p>&quot;Gusto ko lang manawagan, lalo sa lahat ng taong involved sa nangyari sa anak ko, kung inosente kayo lumabas kayo. Kung gusto niyo patunayan na wala kayong kasalanan, lumabas kayo,&quot; aniya.</p><p>Sa ngayon, may 11 respondents sa kasong rape-homicide na isinampa ng pamilya. </p><p>Sabi ng abogado ng pamilya na si Jose Ledda III, itigil na ang kultura ng victim blaming o pagsisi sa babae tuwing siya ay naaabuso.</p><p>&quot;[D]on&#x27;t ever blame a girl na pagkagising niya binaboy siya... Don&#x27;t ever blame a girl kapag namatay siya,&quot; ani Ledda. </p><p>Samantala, isa sa mga suspek na kasama sa naturang hotel party ang lumantad para linisin ang kaniyang pangalan at linawin ang nangyari noong selebrasyon. </p><p>Kuwento ni Gregorio de Guzman, na anak ng singer na si Claire dela Fuente, noong araw lang niya nakilala si Christine. Masaya daw sila sa New Year&#x27;s Eve party kasama ang mga kaibigan. </p><p>Itinanggi niyang ginahasa nila ang biktima, na natagpuang walang malay sa bathtub ng kuwarto. </p><p>Ayon pa sa ina ni De Guzman, miyembro ng LGBT community ang anak niya. </p><p>&quot;Alam namin ang totoo, bakla anak ko, mahirap i-admit pero alam ko, matagal na, bata pa siya,&quot; ayon sa singer. </p><div><strong>HOTEL PARTY</strong></div><p>Sabi pa ni De Guzman, sa Room 2209 sila nagpa-party pero may mga kaibigan din silang nakiki-party sa kalapit na Room 2207.</p><p>Pero ang saya ay napalitan agad ng trahedya kinaumagahan.</p><p>Ilang pasa ang nakita sa katawan ni Christine at may indikasyon na inabuso ito. Walang nakitang palatandaan na sinakal o pinalo sa ulo.</p><p>Ayon sa pulisya, ang ikinamatay niya ay ang pagputok ng ugat o ruptured aortic aneurysm.</p><p>&quot;Because probably &#x27;yung taas ng level ng toxicity ng alcohol and &#x27;yung atakihin ka naman pag sobrang taas ng BP (blood pressure) mo,&quot; ani Police Col. Harold Depositar, hepe ng Makati police. </p><p>Walang nakuhang droga ang pulisya sa kuwarto na inupahan ng grupo.</p><div><strong>&#x27;MASAYAHIN&#x27;</strong></div><figure class="op-interactive"><iframe height="315" src="https://www.youtube.com/embed/jiGtBtayJ1E?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa ngayon, walang katumbas na sakit ang nadarama ng mga malalapit na kaibigan ni Christine o Tin. </p><p>Sabi ni &quot;Danna,&quot; kaibigan ng biktima, masayahin itong tao at mapagmahal sa pamilya. </p><p>&quot;Isa siyang tine-treasure ko na kaibigan, alam mo &#x27;yung kaibigan na kahit may mangyari sa &#x27;yo, andiyan siya para tumulong. Yan &#x27;yung bihira mong mahanap sa mga tao ngayon,&quot; ani Danna.</p><p>Malapit din kay Christine ang nobyo ni Danna na si Andrei.</p><p>Katunayan, nagbabala rin si Andrei kay Christine tungkol sa party na dinaluhan nito.</p><p>&quot;Nag-reply ako sa story niya... Sabi ko baka mapaano ka diyan. Sabi niya, &#x27;Nega, &#x27;day, kasi mas mga babae pa ito sa akin,&#x27;&quot; ayon kay Andrei.</p><p>Hindi nila akalaing iyon na pala ang kanilang huling pag-uusap.</p><p>Nitong Martes ay naghain na ng show-cause order ang Department of Tourism sa City Garden Grand Hotel sa Makati kung saan nag-check-in si Christine kasama ang mga kaibigan para magdiwang ng bagong taon.</p><p>Tatlong araw ang ibinigay na palugit ng DOT sa hotel para magpaliwanag kung bakit hindi dapat suspendihin o bawiin ang accreditation nito.</p><div><strong>–Mula sa ulat nina April Rafales at Jeck Batallones, ABS-CBN News</strong></div><div><strong>RELATED VIDEO</strong></div><figure class="op-interactive"><iframe height="315" src="https://www.youtube.com/embed/Et5YmS2Sylo?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Umapela ang kampo ng nasawing flight attendant na itigil na ang victim-blaming. Lumantad naman ang isa sa mga suspek. <br /> </p>

Umapela ang kampo ng nasawing flight attendant na itigil na ang victim-blaming. Lumantad naman ang isa sa mga suspek.