MAYNILA — Suspendido ang klase sa ilang lugar sa bansa ngayong Huwebes, Abril 13, dahil sa masamang panahong dala ng bagyong Amang.

Sinuspinde ni Gov. Ramil Hernandez ang pasok sa lahat ng antas sa mga pampubliko at pribadong paaralan sa buong lalawigan ng Laguna.

Suspendido rin ang klase mula pre-elementary hanggang high school sa bayan ng Lopez sa Quezon.

Wala ring pasok mula kindergarten hanggang Grade 12, kasama ang Alternative Learning System (ALS) sa lahat ng pampubliko at pribadong paaralan sa bayan ng Montalban sa Rizal.

Sa Sto. Tomas, Batangas, wala ring pasok mula kindergarten hanggang senior high school sa lahat ng lahat ng pampubliko at pribadong paaralan.

Sa Naga, Camarines Sur, wala ring pasok mula pre-school hanggang graduate school. Suspendido rin ang trabaho sa lahat ng tanggapan ng pamahalaan sa siyudad.

Sa huling abiso ng PAGASA, nakataas ang Tropical Cyclone Wind Signal No. 1 sa mga sumusunod na lugar dahil sa bagyong Amang:

• Catanduanes
• Albay
• Camarines Sur
• Camarines Norte
• Laguna (Cavinti, Lumban, Kalayaan, Paete, Pakil, Pangil, Siniloan, Famy, Santa Maria, Mabitac)
• Aurora
• Quezon (Buenavista, Calauag, Infanta, Lopez, Guinayangan, Plaridel, Quezon, Alabat, Sampaloc, Mauban, General Nakar, Perez, Gumaca, Atimonan, Real, Tagkawayan, San Narciso) including Polillo Islands
• Rizal (Tanay, Pililla, Rodriguez, Baras, City of Antipolo)
• Bulacan (Norzagaray, Doña Remedios Trinidad)
• Nueva Ecija (Gabaldon, Bongabon, Laur, General Tinio)

Inaasahan ring magdadala ng pag-ulan ang bagyo sa bahagi ng mga lalawigan ng Quezon, Aurora, Rizal, Laguna, Batangas, Nueva Ecija at Bulacan.

• These areas under Signal no. 1 as Amang maintains strength over Camarines Sur

KAUGNAY NA ULAT

Watch more News on iWantTFC