Push Admin

Kakulangan sa silid-aralan, problema pa rin sa ibang eskuwelahan

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2018/news/06/04/cebu.jpg"/><figcaption>Sa covered court magdaraos ng klase ang mga mag-aaral ng Tayud Elementary School sa Consolacion, Cebu matapos masunog ang bahagi ng kanilang paaralan. <em>Kuha ni Joworski Alipon, ABS-CBN News</em></figcaption></figure></div><p>Sa pagsisimula ng klase nitong Lunes, nanatiling problema para sa ibang paaralan sa mga lalawigan ang kakulangan ng mga silid-aralan bunsod ng patuloy na konstruksiyon sa mga gusali ng eskuwelahan.</p><p>Nagpatupad ng double shift at team teaching sa Kapitan Tomas Monteverde Elementary School sa Davao City dahil sa kakulangan ng mga silid-aralan.</p><p>Sa ilalim ng double shift, may magkahiwalay na pangkat ng mga mag-aaral na gumagamit ng mga silid-aralan sa umaga at hapon.</p><p>Sa team teaching, pinagsasama naman ang dalawang klase mula sa parehong baitang sa isang silid, kung saan pinangangasiwaan sila ng dalawang guro.</p><p>May 16 section din mula sa ika-anim na baitang ng paaralan ang magdaraos ng kanilang klase sa gymnasium.</p><p>Paliwanag ng principal na si Ma. Epifania Villa, hindi pa ginigiba ang dating classroom-building na dapat ay papalitan ng bago.</p><p>Sa tala nitong Lunes ng umaga, nasa 4,089 ang kabuuang bilang ng mga mag-aaral na naka-enroll sa Kapitan Tomas Elementary School.</p><p>Samantala, nagkukulang naman ng silid-aralan sa Magallanes Elementary School sa Davao City dahil hindi pa tapos ang pagtatayo sa apat na palapag na gusaling paglalagyan ng 20 silid-aralan.</p><p>May isa ring gusali ang paaralan na hindi pa nagigiba dahil hindi pa naaprubahan ang mga permit sa konstruksiyon. Nakatakda itong palitan ng panibagong 3 palapag na gusaling may 15 silid-aralan.</p><p>Dulot nito, nasa 35 klase mula sa una, ikaapat, ikalima, at ika-anim na baitang ang nagdaraos ng team-teaching sessions.</p><p>May 4,370 mag-aaral ang naka-enroll sa Magallanes Elementary School.</p><div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2018/news/06/04/butuan.jpg"/><figcaption>Naging maayos at mapayapa ang pagbubukas ng klase sa Agusan National High School sa Butuan City. <em>Kuha ni Richmond Hinayon, ABS-CBN News</em></figcaption></figure></div><p>Samantala, lumobo naman ang bilang ng mga mag-aaral sa bawat klase sa Agusan National High School sa Butuan City.</p><p>Isiningit kasi ng pamunuan ang mga mag-aaral na walang silid-aralan sa ibang klase.</p><p>Kung dati ay 45 estudyante kada klase, ngayon ay hanggang 60 estudyante na ito.</p><p>Kulang sa silid-aralan ang Agusan National High School dahil hindi pa tapos ang konstruksiyon ng ibang gusali ng paaralan.</p><p>Ipinatupad din ng paaralan ang double shift para hatiin ang 12,000 mag-aaral.</p><figure class="op-interactive"><div id="IVS_ABS_Video_Widget_1_Container"><ivs-player id="IVS_ABS_Video_Widget_1" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Sa isang covered court naman nagdaos ng klase ang ang mga mag-aaral ng Tayud Elementary School sa Consolacion, Cebu matapos masunog ang bahagi ng kanilang paaralan noong 2016.</p><p>Mga plywood at blackboard ang ginamit na panghiwalay sa mga klase.</p><p>Nahirapan ang mga estudyante na pagtuunan ng pansin ang kanilang pag-aaral dahil sa init at ingay sa lugar.</p><p>Hiniling ng principal na si Fe Baladjay sa Department of Public Works and Highways (DPWH) na simulan ngayong taon ang pagtatayo ng gusaling kayang paglagyan ng 60 silid-aralan.</p><p>May ilang paaralan din sa Central Visayas ang nakararanas ng pagkaantala sa kuryente at kakulangan sa tubig, ayon sa sangay ng Department of Education sa rehiyon.</p><p>Class shifting din ang ipinatupad sa mga klase mula una hanggang ika-anim na baitang sa West Central Elementary School-1 sa Dagupan City.</p><p>Nasa 2,100 mag-aaral ang nag-enroll sa paaralan pero inaasahan pang madadagdagan pa ito.</p><p>Naging problema sa pagbubukas ng klase ang kalituhan sa class schedule at paghahanap ng mga classroom.</p><div><strong>-- Ulat nina Arianne Apatan, Ara Casas, Joanna Tacason, Joworski Alipon, at Richmond Hinayon, ABS-CBN News</strong></div>

<p>May ilang section na kailangang magklase sa gymnasium dahil sa kakulangan sa classrooms.</p>

May ilang section na kailangang magklase sa gymnasium dahil sa kakulangan sa classrooms.