Push Admin

PH-UAE defense industry at ship building partnership pinag-aaralan

Article (news)

Jerome Fadriquela | TFC News   

<p>ABU DHABI - Pinag-aaralan ng United Arab Emirates at Pilipinas ang posibleng kooperasyon sa defense industry at shipbuilding matapos ang pagdalaw kamakailan ng top-level executives ng Abu Dhabi Ship Building (ADSB), isang major UAE defense company sa tatlong pinakamalaking shipyard sa Pilipinas.</p><p>Sinamahan ni Philippine Ambassador to the UAE ang delegasyon sa Agila Subic Multi-Use Facilities (ang dating Hanjin shipyard) sa Redondo Peninsula ng Subic Bay noong August 10.</p><div class="embed-wrap"><figure data-feedback="fb:likes,fb:comments"><img alt="Ship building " src="https://sa.kapamilya.com/absnews/abscbnnews/media/2022/tfc/08/31/abu_dhabi_1.jpg"/><figcaption>PE Abu Dhabi photo</figcaption></figure></div><div class="embed-wrap">Ang shipyard ay kasalukuyang nasa pamamahala ng U.S. private equity company na Cerberus. Binisita rin nila noong August 11 ang Tsuneishi Heavy Industry at Austal Philippines, na matatagpuan sa West Cebu Industrial Park (WCIP) sa Balamban, isang bayan na 52 km ang layo mula sa Cebu City.</div><p>Tinanggap ni Balamban Mayor Ace Stefan Binghay at ng mga opisyal ng munisipyo ang delegasyon. Ibinida ni Binghay ang kakayahan ng kanilang bayan para maging ship building capital ng Pilipinas.</p><p>Binanggit din ni Ambassador Quintana na world&#x27;s 5th largest ship producer at pinakamalaki sa Southeast Asia ang Pilipinas. </p><div class="embed-wrap"><figure data-feedback="fb:likes,fb:comments"><img alt="Shipyard" src="https://sa.kapamilya.com/absnews/abscbnnews/media/2022/tfc/08/31/abu_dhabi_2.jpg"/><figcaption>PE Abu Dhabi photo</figcaption></figure></div><div class="embed-wrap">Pinuri naman ni Wayne Murray, President at General Manager ng Austal Philippines <em>(isang global shipbuilder at defense prime contractor) </em>ang shipbuilding skills ng Pinoy workers.</div><p>Aniya, nangunguna sa industry infrastructure at competitive business costs ang Pilipinas pagdating sa ship building kaya pinili ng Austal ang bansa para sa lokasyon ng kanilang mga pasilidad.</p><div><em><strong>Para sa mga nagbabagang mga balita tungkol sa ating mga kababayan sa Gitnang Silangan, Europa at Africa, tumutok sa TFC News sa TV Patrol.</strong></em></div><div><em><strong>Source: DFA/ PE Abu Dhabi</strong></em></div>

ABU DHABI - Pinag-aaralan ng United Arab Emirates at Pilipinas ang posibleng kooperasyon sa defense industry.