Opisyal ng Biñan, patay sa pananambang saktong 3 taon matapos makaligtas sa ambush

The secretary of the Biñan City council & a doctor are killed after gunmen fired on their car at Jubilation Road in Biñan.

Edward Reyes, the city council officer, survived another ambush exactly 3 years ago.

(📸: JR Celon) pic.twitter.com/7wXBuFPK1S

— Anjo Bagaoisan (ᜀᜈ᜔ᜇᜒᜌᜓ ᜊᜄᜏᜒᜐᜈ᜔) (@anjo_bagaoisan) October 4, 2020

MAYNILA (UPDATE) - Patay ang kalihim ng Sangguniang Panlungsod ng Biñan City, Laguna at isang doktor sa pananambang sa Barangay San Antonio, Biñan City Linggo ng gabi.

Ayon sa hepe ng Biñan City Police na si Lt. Col. Giovanni Martinez, pinagbabaril ng mga hindi pa nakikilalang gunman ang kotseng sinasakyan ng city council secretary na si Edward Reyes at ni Dr. Don Deocaris bandang alas-7:30 ng gabi.

Hinarang ang sasakyan sa tapat ng isang mall sa Jubilation Road.

Hindi na umabot nang buhay ang mga biktima sa University of Perpetual Help Hospital.

Hindi pa batid ang pagkakakilanlan at motibo ng mga suspek sa pananambang.

Watch more in iWantv or TFC.tv

Ayon sa ulat ng pulisya, inginuso kamakailan si Reyes ng naarestong si Ricky Sison Ayub bilang mastermind umano ng serye ng pagpatay sa mga pulis at lokal na opisyal sa Biñan.

Noong Oktubre 4, 2017, eksaktong 3 taon bago siya napatay, nakaligtas si Reyes kasama ang 3 bodyguard sa pananambang sa sasakyan niya.

• SAPUL SA CCTV: Pananambang sa isang opisyal ng Biñan, Laguna

Ilang araw pagkatapos noon, namatay sa pamamaril ang isang empleyado ng city hall na dating security staff ni Reyes.

• Empleyado ng Biñan City Hall patay sa pamamaril

Pinsan si Reyes ng kasalukuyang kinatawan ng Biñan City na si Rep. Len Alonte-Naguiat at ni Biñan City Vice Mayor Gel Alonte. Anak naman niya si Konsehal Dada Reyes.

--May ulat nina Dennis Datu at Jeffrey Hernaez