Pinaluwag na EDSA-Ortigas sidewalk, aprub nga ba?

MAYNILA – Pinalawak ng Metropolitan Manila Development Authority (MMDA) ang sidewalk sa EDSA-Ortigas na inireklamo dahil sa pagiging masikip.

Nilagyan ito ng temporary steel barriers para luwagan ang madadaanan sa bangketa.

Positibo ang reaksyon ng ilang mga pedestrian lalo’t mas maiiwasan anila ang tulakan at siksikan tuwing rush hour.

Pero nag-aalala ang isang mobility advocacy group na hindi ito pangkalahatang solusyon sa problema.

Ayon kay Ira Cruz, director ng AltMobility PH, sagabal naman ang steel barriers sa mismong kalsada at maaaring pagmulan ng aksidente.

Oobserbahan ng MMDA ang epekto ng steel barriers sa mga commuter at motorista para malaman kung gagawin itong permanente.
 
– Ulat ni Johnson Manabat, Patrol ng Pilipino

• Pinalawak na sidewalk sa EDSA-Ortigas, umabot sa bike lane
• Patrol ng Pilipino: Ano’ng karanasan mo sa pagbiyahe sa EDSA busway?
• Patrol ng Pilipino Playlist, Vol. 1: BIYAHE