MAYNILA — Nakikipag-ugnayan na ang Philippine National Police Anti-Cybercrime Group sa Department of Information and Communications Technology (DICT) hinggil na posibleng kaugnayan ng ni-raid na POGO hub sa Tarlac sa surveillance operations at hacking sa mga government websites.

Base ito sa impormasyon mula kay Senator Risa Hontiveros, na nagsabing may kaugnayan ang sinalakay na POGO hub sa bayan ng Bambam noong Marso 13 na sa naganap na pag-hack sa mga website ng gobyerno.

"On the part of the PNP kung totoong itong ni-raid na POGO hub diyan sa Bamban ay involved sa hacking or any espionage activities then we will gladly coordinate sa officers ni Sen. Hontiveros to get additional information. But on the part of the PNP yung ating ACG is closely coordinating with the DICT and other law enforcement agencies to verify this information shared by the honorable senator," sinabi ni  PNP PIO Acting Chief at Spokesperson Col. Jean Fajardo sa media briefing sa Camp Crame, Huwebes ng hapon.

Giit naman ni Fajardo na sa ngayon ay wala silang natatanaggap na impormasyon hinggil dito pero hindi aniya sila nagpapakakampante.

"No credible threat so far ang namomonitor ng ating PNP but nonetheless hindi tayo nagkukumpiyansa because this concerns national security and when we speak of national security at talagang yung ginagawa nating intelligence gathering and monitoring ay magtutuloy yan of course with the help and cooperation of the other concerned government agencies," ani ni Fajardo.