Kevin Luis Fernandez

FACT CHECK: Hindi totoong babalik sa Channel 3 ang ABS-CBN

Hindi totoo ang kumakalat na balitang ibinalik sa National Telecommunications Commission (NTC) ang frequency ng Channel 3 kung saan diumano muling eere ang ABS-CBN simula Pebrero 10, 2025.

Article (news)

Dennis Gaviola

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/173892856774920250207_Main_ABS-CBN Channel 3 (1).png" class="fr-fic fr-dib"/></div><p>Hindi totoo ang kumakalat na balitang ibinalik sa National Telecommunications Commission (NTC) ang frequency ng Channel 3 kung saan diumano muling eere ang ABS-CBN simula Pebrero 10, 2025.</p><p>Sa isang Facebook post, nilapatan ng tekstong <em>“Nasa Chanel 3 na”</em> ang logo ng ABS-CBN. Mababasa rin sa post ang caption na, <em>“Ibinalik na sa NTC ang mga original frequency ng Channel 3 sa Metro Manila gaya ng napunta balik sa dating tahanan ng ABS-CBN sa Channel 3 na original frequency matapos ang halos anim na dekada.”</em></p><p>Makikita sa isa pang Facebook post ang lumang logo ng network noong umeere pa ito sa Channel 3 na may nakalapat na tekstong, <em>“ABS CBN BALIK ERE SA DATING CHANNEL.” </em>Dagdag naman ng isa pang post, <em>“ABS-CBN returns as Channel 3 starting February 10th, 2025.”</em></p><p>Pinabulaanan ng ABS-CBN Corporation ang sinasabi sa mga kumakalat na post. <em>“This is false information,” </em>ayon sa kumpanya.</p><p>Sa isang pahayag na ipinadala ng NTC sa ABS-CBN Fact Check, nilinaw nito na base sa kanilang record, walang na-issue na permit o awtorisasyon sa ABS-CBN para gamitin ang frequency ng Channel 3.</p><p><em>“ABS-CBN has not been issued any permit and/or authorization for the operation of [Channel 3] in Metro Manila or in any part of the country,” </em>saad ng NTC.</p><p><em>“With the expiration of ABS-CBN&#x27;s Legislative Franchise on 05 May 2020, no frequency/channel has been assigned to ABS-CBN to date,” </em>dagdag pa ng komisyon.</p><div><strong>Mula Channel 3 papuntang Channel 2 </strong></div><p>Ang tinutukoy na pagbabalik ng ABS-CBN sa Channel 3 sa nagkalat na Facebook posts ay ang unang pag-ere ng Alto Broadcasting System (ABS) sa nasabing channel noong Oktubre 23, 1953. Sa panahong iyon, pagmamay-ari pa ni Tony Quirino ang ABS hanggang sa bilhin ito ni Eugenio H. Lopez Sr. noong 1957. Si Lopez ang may-ari ng Chronicle Broadcasting Network (CBN) na umeere noon sa Channel 9.</p><p>Noong 1969, nag-umpisang umere ang ABS-CBN sa parehong Channel 2 at Channel 4 hanggang maipasara ito noong 1972 nang magdeklara ng Martial Law ang noo’y diktador na si Pangulong Ferdinand Marcos Sr.</p><p>Noong 1986, matapos mapatalsik si Marcos, ibinalik sa network ang Channel 2. Mula noon, patuloy na umere ang ABS-CBN sa Channel 2 hanggang matapos ang prangkisa nito noong Mayo 5, 2020.</p><p>Napunta ang Channel 2 sa Advanced Media Broadcasting System (AMBS) na pag-aari ng mga Villar. Ngayon ay tinatawag itong ALLTV kung saan umeere ang mga programa ng ABS-CBN sa pamamagitan ng partnership sa pagitan ng dalawang kumpanya.</p><p>Sa nagdaang briefing ng House Committee on Legislative Franchises noong Pebrero 5, tinalakay ang pagbibigay ng prangkisa sa ABS-CBN bunsod ng mga inihaing panukalang batas na naglalayong ibalik sa ere ang nasabing network.</p><div><a href="https://www.abs-cbn.com/news/business/2025/2/5/lawmakers-cite-competition-concerns-in-backing-abs-cbn-franchise-bill-2103" rel="noopener noreferrer" target="_blank">Lawmakers cite &#x27;competition concerns&#x27; in backing ABS-CBN franchise bill </a></div><div><a href="https://www.abs-cbn.com/news/business/2025/2/5/abs-cbn-statement-to-congress-on-bills-seeking-to-grant-new-franchise-1929" rel="noopener noreferrer" target="_blank">ABS-CBN statement to Congress on bills seeking to grant new franchise </a></div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email factcheck@abs-cbn.com o X account </em><a href="https://twitter.com/abscbnfactcheck"><em>@abscbnfactcheck</em></a><em>.</em></div>

<p>Hindi totoo ang kumakalat na balitang ibinalik sa National Telecommunications Commission (NTC) ang frequency ng Channel 3 kung saan diumano muling eere ang ABS-CBN simula Pebrero 10, 2025.</p>