Marilyn Cahatol

Article (news)

ABS-CBN News Digital Intern

<p>MAYNILA — Pasakit ang magkaroon ng bulutong-tubig.</p><p>Dalawang linggo ang kailangang tiisin sa pagkakaroon ng makakating paltos na hindi mo maaaring kamutin. Kinakailangan mo ring umiwas na makipagsalamuha upang hindi ka makahawa.</p><p>Ang buong akala ng nakararami, kapag gumaling ang bulutong-tubig, tuluyan nang mapapawi ang kanilang paghihirap ng dalawang linggo. Ang hindi nila alam ay maaaring bumalik ang pamamantal sa balat kung hindi magiging maingat sa kalusugan.</p><p>Ipinagpatuloy nina Dr. Denis Ngo at Winnie Cordero ang kanilang talakayan tungkol sa varicella-zoster virus (VZV) sa “Klinika 630” noong Abril 9. Sa episode na ito, kulebra naman ang kanilang pinag-usapan.</p><div><br/></div><div><strong>ANO ANG KULEBRA?</strong></div><p>Ang kulebra o shingles ay isang viral infection na nagdudulot ng masakit na pamamantal at nerve damage. Maaari itong lumabas sa alinmang bahagi ng katawan, ngunit kadalasan ito ay lipon ng mga paltos na makikita sa kaliwa o kanang bahagi ng torso.</p><p>Nagkakaroon ng kulebra ang isang tao pagkatapos niyang gumaling mula sa bulutong-tubig. Nananatili kasi ang virus sa katawan at nakatago lamang sa nerve cells. Hindi nakakahawa ang kulebra, ngunit maaaring mahawaan ng bulutong-tubig ang ibang tao kung ikaw ay may kulebra.</p><p>Ikinumpara ni Dok Denis ang kulebra sa isang dormant volcano: “natutulog” ang virus hanggang sa maging aktibo uli ito.</p><p>“Nandyan lang siya, sleeping na. Pero, hindi siya magkakaroon ng any effect on you. However, ‘pag [ang] isang tao ay bumagsak ang kanyang immune system, ginigising at ma-rereactivate [ang] virus,” wika niya.</p><div><br/></div><div><a href="https://www.abs-cbn.com/news/health-science/2026/4/18/alamin-mga-maling-paniniwala-sa-bulutong-tubig-ng-mga-bata-1239">ALAMIN: Mga maling paniniwala sa bulutong-tubig ng mga bata</a></div><div><br/></div><div><strong>MGA SINTOMAS AT RISK FACTOR</strong></div><p>Tulad ng bulutong-tubig, ang pamamantal ay ang karaniwang sintomas ng kulebra. May mga sintomas rin na maaaring lumabas tulad ng:</p><ul style="list-style-type:circle"><li>Pangangati, pananakit, at sensitibong balat</li><li>Mga paltos na may lamang tubig</li><li>Lagnat</li><li>Pananakit ng ulo</li><li>Pananakit ng tiyan</li><li>Kawalan ng ganang kumain</li><li>Pagkapagod</li></ul><div><br/></div><p>Tatamaan ng kulebra ang isang tao kung mahina ang kanyang resistensya ngunit, tataas ang posibilidada na magkaroon nito kung:</p><ul style="list-style-type:circle"><li>Nasa edad 50 pataas na</li><li>May immunodeficiency disorder tulad ng HIV o AIDS</li><li>Nagkaroon ng cancer at dumaan sa chemotherapy</li><li>Umiinom ng gamot laban sa transplant rejection</li><li>Gumagamit ng steroids</li></ul><div><br/></div><div><strong>MGA URI AT KOMPLIKASYON</strong></div><p>Ang kulebra ay may iba&#x27;t ibang uri na naaayon sa kung aling nerve root ang naaapektuhan nito. Bagama’t masakit, hindi ito karaniwang mapanganib. Ngunit, may mga uri ng kulebra na kinakailangang gamutin agad upang maiwasan ang kanilang mga komplikasyon.</p><div><strong>Herpes zoster</strong></div><p>Ito ang karaniwang uri ng kulebra. Sa herpes zoster, tinatamaan nito ang dermatome o ang balat na puno ng sensory nerve fibers mula sa iisang spinal nerve root. Dito makikita ang mga paltos na nagkukumpulan sa iisang bahagi ng torso.</p><p>Maaaring magkaroon ng long-term nerve pain ang isang tao pagkatapos niyang gumaling sa kulebra. Ito ay tinatawag na postherpetic neuralgia (PHN), at 20% ng mga pasyente ay maaaring maapektuhan nito.</p><div><a href="https://www.abs-cbn.com/2025/2/27/myths-and-misconceptions-about-shingles-0946">Myths and misconceptions about shingles</a></div><div><strong>Ophthalmic shingles </strong></div><p>Sa ophthalmic shingles o herpes zoster ophthalmicus (HZO), tinatamaan nito ang ophthalmic branch ng cranial nerve 5 (CN V). Ito ang uri ng kulebra na maaaring mabulag ang isang tao kung hindi ito agad na maikonsulta sa ophthalmologist.</p><p>Sa loob ng isang buwan, makakaramdam ang isang tao na waring tinutusok-tusok ang balat at susundan ng paglitaw ng mga paltos sa noo, talukap, at ilong.</p><div><strong>Ramsay Hunt syndrome </strong></div><p>Tinatawag ring herpes zoster oticus, na isang pambihirang uri ng kulebra kung saan tinatamaan nito ang facial nerve o cranial nerve 7 (CN VII).</p><p>Ang mga sintomas nito ay ang sumusunod:</p><ul style="list-style-type:circle"><li>Paralisado ang kalahating bahagi ng mukha</li><li>Pananakit ng tenga</li><li>Mga paltos sa tenga</li></ul><div><br/></div><p>Maaari rin itong tamaan ang vestibulocochlear nerve o ang cranial nerve 8 (CN VIII) na magiging sanhi ng:</p><ul style="list-style-type:circle"><li>Pagkabingi</li><li>Vertigo</li><li>Kawalan ng panlasa</li><li>Malabong pananalita</li></ul><div><br/></div><div><strong>Disseminated shingles </strong></div><p>Ito ang mas malalang uri ng kulebra kung saan kumakalat ang mga paltos sa iba pang bahagi ng katawan na may mahinang resistensya. Kabilang dito ang sumusunod:</p><ul style="list-style-type:circle"><li>Baga</li><li>Digestive system</li><li>Ugat</li><li>Utak</li><li>Spinal cord</li></ul><div><br/></div><p>Kung hindi ito maagapan, maaari itong magdulot ng:</p><ul style="list-style-type:circle"><li>Meningoencephalitis</li><li>Hepatitis</li><li>Vasculopathy</li></ul><div><br/></div><div><strong>Zoster sine herpete </strong></div><p>Ang zoster sine herpete (ZSH) ay isang kakaibang kondisyon kung saan ang tao ay makakaramdam ng pre-rash symptoms, ngunit hindi tutubo ang mga paltos. Ito ay maaaring mangyari sa alinmang bahagi ng katawan, at mahirap rin itong ma-diagnose.</p><div><a href="https://www.abs-cbn.com/lifestyle/2024/3/12/-not-infectious-not-kulam-what-are-shingles-2321">&#x27;Not infectious, not kulam&#x27;: What is shingles?</a></div><div><br/></div><div><strong>ANO ANG DAPAT GAWIN?</strong></div><p>Tulad sa bulutong-tubig, walang agarang lunas para sa kulebra. Ngunit, ang mga sumusunod na gamot ay maaaring ireseta ng doktor:</p><ul style="list-style-type:circle"><li>Antivirals tulad ng acyclovir, famciclovir, at valacyclovir</li><li>Pain relievers tulad ng acetaminophen at ibuprofen</li><li>Corticosteroids, kung may mga paltos sa mukha</li></ul><div><br/></div><p>May mga paraan na maaari gawin upang maibsan ang mga sintomas nito, tulad ng:</p><ul style="list-style-type:circle"><li>Pagligo sa maligamgam na tubig</li><li>Pagsuot ng mga komportableng damit</li><li>Pagdampi ng basang tuwalya sa mga apektadong lugar</li><li>Pag-quarantine o paglagay ng non-stick dressing upang hindi makahawa sa ibang tao</li></ul><div><br/></div><div><strong>PANOORIN: </strong></div><div style="text-align:center"><iframe width="560" height="315" src="https://www.youtube.com/embed/GQnFxupcfXI?si=SRo7Wo39MexttjmT" title="YouTube video player" frameBorder="0" allowfullscreen=""></iframe></div>

<p>Ang kulebra o shingles ay isang viral infection na nagdudulot ng masakit na pamamantal at nerve damage. Maaari itong lumabas sa alinmang bahagi ng katawan, ngunit kadalasan ito ay lipon ng mga paltos na makikita sa kaliwa o kanang bahagi ng torso.</p>

Ang kulebra o shingles ay isang viral infection na nagdudulot ng masakit na pamamantal at nerve damage. Maaari itong lumabas sa alinmang bahagi ng katawan, ngunit kadalasan ito ay lipon ng mga paltos na makikita sa kaliwa o kanang bahagi ng torso.

Kulebra, maaaring magdulot ng pagkabulag at pagkabingi?

News

Entertainment

Lifestyle

Sports

Metro.Style

More

BINI

Sudoku

Word of the Day

Lotto

Horoscope

Health & Science

Kulebra, maaaring magdulot ng pagkabulag at pagkabingi?

ABS-CBN News Digital Intern,

Mart Hans Lemuel T. Sambitan

Published April 18, 2026 01:25 PM PHT

Read More:

Shingles

Kulebra

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

Sign Up

I have read and agree to the Terms and Privacy Policy.

Haven't received our newsletter?

Check your inbox to verify and confirm your subscription.

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.