Eliseo Ruel Rioja

FACT CHECK: Hindi kinasuhan ng Korte Suprema si Marcos dahil sa PhilHealth fund transfer

Ginamit sa mga post sa social media ang video ng isang press conference ng Korte Suprema para sabihing nagsampa ng kaso ang Korte Suprema at si dating Bayan Muna Party-list Rep. Neri Colmenares laban kay Pangulong Ferdinand “Bongbong” Marcos Jr.

Article (news)

Dennis Gaviola

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/173408706068920241210_IG_Camille Kaso BBM.png" class="fr-fic fr-dib"/></div><p>Ginamit sa mga post sa social media ang video ng isang press conference ng Korte Suprema para sabihing nagsampa ng kaso ang Korte Suprema at si dating Bayan Muna Party-list Rep. Neri Colmenares laban kay Pangulong Ferdinand “Bongbong” Marcos Jr.</p><p>Sa magkahiwalay na posts sa social media, nilapatan ang video ng mga tekstong <em>“SUPREME COURT, KINASUHAN SI PANGULONG MARCOS JR. KAUGNAY SA ISYU NG PAGLIPAT NG PHILHEALTH FUNDS”</em> at <em>“PBBM Sinampahan ng KASO ni Atty. Colmenares sa Supreme Court.”</em></p><p>Sa video, maririnig ang spokesperson ng Korte Suprema na si Atty. Camille Ting na sinasabing: <em>“The Court consolidated the petition filed by 1SAMBAYAN Coalition et al. with the cases of Pimentel et al. versus House of Representatives et al. and Bayan Muna Chairman Neri Colmenares et al. versus President Ferdinand Romualdez Marcos.”</em></p><p>Una, hindi kinasuhan ng Korte Suprema si Marcos. Ang <a href="https://www.youtube.com/watch?v=35vTDXwnhIg" rel="noopener noreferrer" target="_blank">footage</a> na ginamit sa mga nasabing post ay tungkol sa <a href="https://sc.judiciary.gov.ph/press-briefer-19/" rel="noopener noreferrer" target="_blank">desisyon</a> ng korte noong Oktubre 29, 2024 na pagsama-samahin ang nasabing petisyon ng Bayan Muna, 1SAMBAYAN Coalition et al., at Pimentel et al.</p><p>Pangalawa, isa sa mga respondent si Marcos sa kanyang opisyal na kapasidad bilang pangulo sa <a href="https://sc.judiciary.gov.ph/wp-content/uploads/2024/10/Comment-on-the-petition-in-G.R.-No.-275405.pdf" rel="noopener noreferrer" target="_blank">petition for certiorari</a> na inihain ng mga opisyal ng Bayan Muna, kabilang si Colmenares bilang kasalukuyang chairperson.</p><p>Kinikwestyon ng <a href="https://sc.judiciary.gov.ph/274778-275405/" rel="noopener noreferrer" target="_blank">pinagsamang tatlong petisyon</a> ang constitutionality ng paglilipat ng sobrang pondo ng government-owned and controlled corporations (GOCCs), gaya ng Philippine Health Insurance Corp. o PhilHealth, sa unprogrammed appropriations sa 2024 budget. Ang <a href="https://www.dbm.gov.ph/wp-content/uploads/2012/03/PGB-B6.pdf" rel="noopener noreferrer" target="_blank">unprogrammed appropriations</a> ay ang mga programang mapopondohan lang kung may karagdagang pondo ang gobyerno.</p><p>Isa sa nilalayon ng petisyon ng Bayan Muna ay ang maideklarang unconstitutional at void ang presidential certification na nagpamadali sa pagpasa sa <a href="https://legacy.senate.gov.ph/lisdata/4290639030!.pdf" rel="noopener noreferrer" target="_blank">House Bill 8980</a> na naglatag sa pondo ng bansa para sa 2024.</p><p>Paliwanag ni Atty. Iana Jill Valdez, chairperson ng Department of Undergraduate Law Program sa Polytechnic University of the Philippines, hindi maaaring kasuhan si Marcos dahil sa principle of presidential immunity.</p><p>Dagdag pa ni Valdez, bihira ang mga sitwasyon kung saan ang Korte Suprema mismo ang naghahain o nag-i-initiate ng mga complaint o petisyon.</p><p><em>“Basically, the function of the SC (Supreme Court) is to decide. And, of course, someone has to initiate before they can decide,”</em> sabi ni Valdez.</p><p>Nilinaw ni Valdez na maaari namang mag-initiate ng kaso ang Korte Suprema pero madalas ay para ito sa administrative cases o mga isyu sa loob ng judiciary.</p><div><strong>PHILHEALTH FUNDS</strong></div><p>Sa huling datos noong Oktubre 2024, nasa P60 bilyon na ang pondong nailipat mula PhilHealth para tustusan ang unprogrammed appropriations ng gobyerno sa 2024. Ito ay binubuo ng P20 bilyon na inilipat noong Mayo, P10 bilyon noong Agosto, at P30 bilyon noong Oktubre.</p><p>Nakatakda sanang ilipat ang P29.9 bilyon pang pondo ng PhilHealth noong Nobyembre subalit ipinahinto ito ng Korte Suprema sa bisa ng temporary restraining order na inilabas nito noong Oktubre 29.</p><div><a href="https://www.abs-cbn.com/news/2024/10/29/sc-issues-tro-vs-philhealth-fund-transfer-to-treasury-1502" rel="noopener noreferrer" target="_blank">SC issues TRO vs PhilHealth fund transfer to treasury</a></div><p>Bukod sa anomalya sa batas at konstitusyon, kinokondena ang kotrobersyal na PhilHealth fund transfer dahil panggigipit ito diumano sa karapatan ng mga mamamayan sa de-kalidad at murang serbisyong pangkalusugan.</p><div><a href="https://www.abs-cbn.com/news/2024/8/2/groups-turn-to-sc-to-block-diversion-of-p89-9b-philhealth-funds-1642" rel="noopener noreferrer" target="_blank">Groups turn to SC to block diversion of P89.9B PhilHealth funds</a></div><p>Hindi ito ang unang beses na nafact-check ng ABS-CBN Fact Check ang maling impormasyon tungkol sa petisyong kumikwestyon sa paglilipat ng sobrang pondo ng GOCC.</p><div><a href="https://www.abs-cbn.com/news/2024/11/7/fact-check-hindi-naghain-ng-kaso-si-pimentel-laban-kay-romualdez-1642" rel="noopener noreferrer" target="_blank">FACT CHECK: Hindi naghain ng kaso si Pimentel laban kay Romualdez</a></div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email factcheck@abs-cbn.com o X (dating Twitter) account <a href="https://twitter.com/abscbnfactcheck" rel="noopener noreferrer" target="_blank">@abscbnfactcheck</a>.</em></div>

<p>Ginamit sa mga post sa social media ang video ng isang press conference ng Korte Suprema para sabihing nagsampa ng kaso ang Korte Suprema at si dating Bayan Muna Party-list Rep. Neri Colmenares laban kay Pangulong Ferdinand “Bongbong” Marcos Jr.</p>