Cheyenne Suarez

Bata, patay, higit 70 pamilya nawalan ng tirahan sa sunog sa Pasay

Article (news)

Allison Co

ABS-CBN News

MAYNILA — Isang 10-taong gulang na batang babae ang nasawi sa sunog na sumiklab sa Mendoza Compound sa Barangay 127, Pasay City, Biyernes ng gabi, October 17.Ang 13-taong gulang na kuya ang tanging kasama ng biktima sa nasunog na apartment building dahil nagta-trabaho sa paresan ang kanilang ina.Kwento ng inang si Mary Grace, nagkahiwalay ang magkapatid matapos na lumundag ang kuya sa unang palapag ng gusali mula sa pangatlo.&quot;Ang anak kong lalaki nakatalon sa bubong syempre sa taranta niya.. hinahanap niya yung kapatid niya hindi na niya nakita,&quot; saad nito.Umabot sa ikatlong alarma ang sunog, kaya nagtulong-tulong sa pag-apula ang halos 40 firetrucks ng Bureau of Fire Protection at fire volunteers.Kwento ng nasunugan na si Soledad Blanco, nataranta siya nang marinig ang mga sumisigaw na ka-barangay mag-aalas-onse ng gabi  “Mahirap mawalan ng bahay. Hindi mo alam kung saan ka pupunta,” saad niya.<div><a href="https://www.abs-cbn.com/news/nation/2025/10/14/3-batang-magkakapatid-patay-sa-sunog-sa-quezon-city-1622">3 batang magkakapatid, patay sa sunog sa Quezon City</a></div>Sa inisyal na imbestigasyon, posibleng linya ng kuryente ang sanhi ng sunog.“May narinig kaming sumabog pero nasa labas na lahat ng tao... siguro mga kalan yun tapos sabi nila ang puno’t dulo daw kuryente. Kaya ayaw magpapasok tini-trace ng bumbero kung saan nanggaling ang ground,&quot; ani Punong Barangay Adelaide Costales.Gawa anya sa light materials gaya ng kahoy at plywood ang mga nasirangn mga bahay. Inaalam pa ang kabuuang bilang ng mga bahay na apektado.“Bawat isang bahay dun kasi may fire extinguisher pero malaki na raw di na kaya,&quot; dagdag nito.Mahigit 70 pamilya ang nawala ng tirahan.Sa kalapit na Juan Sumulong Elementary School inilikas ang mga apektadong pamilya, kung saan naglatag ng modular tents para sa kanila ang Pasay LGU.Iniimbestigahan pa ng BFP ang sanhi at halaga ng pinsala ng sunog, na tuluyang naapula pasado alas-12 ng madaling araw na ng Sabado, October 18.

Ang 13-taong gulang na kuya ang tanging kasama ng biktima sa nasunog na apartment building dahil nagta-trabaho sa paresan ang kanilang ina.

Ang 13-taong gulang na kuya ang tanging kasama ng biktima sa nasunog na apartment building dahil nagta-trabaho sa paresan ang kanilang ina.