Geline Salac

Bata patay sa saksak ng sariling ama; suspek binaril ng pulis sa Cavite

Article (news)

parricide dsama

dasma parricide

Allison Co

ABS-CBN News

CAVITE — Patay ang limang taong gulang na batang lalaki habang sugatan naman ang kanyang pitong taong gulang na kapatid na babae matapos pagsasaksakin ng kanilang ama sa loob ng kanilang bahay sa Brgy. Sampaloc 4, Dasmariñas, Cavite, nitong Lunes, October 27.Kwento ng nanay ng mga biktima, umaga noong Lunes nang sabihan siya ng kanyang asawa na puntahan ang kanyang kapatid dahil nais niya itong makausap.&quot;Habang naguusap sila parang nabigla kami. Nawala siya sa parang sa katinuan, nawala na siya. Nagalit na siya sa amin. Parang ginawa niya naman daw ang lahat parang hindi niya na daw kakayanin. Iba na, iba na ang itsura niya. Parang hindi na siya nakakakilala. iba na ang paningin niya sa amin,&quot; dagdag nito.Ayon pa sa nanay ng mga biktima, inutusan siya at kapatid nito na lumabas ng bahay pero pinaiwan ang dalawang bata.Ilang sandali pa, nakita niya na bitbit na papuntang kwarto ang mga bata kaya humingi na siya ng tulong sa mga kapitbahay at sa barangay.&quot;Lumabas kami, hindi namin iniexpect na ganon ang gagawin niya. Kinuha niya lang &#x27;yung mga bata. Normal &#x27;yung bata walang iyak, walang ano nilagay niya lang dun sa ano sa kama, sa higaan, &#x27;yung dalawa nakatayo, &#x27;Mama.&#x27; Ganon, wala lang as in wala lang. Paglabas ko paganon ko, paglingon ko na lang  nakita ko na lang bitbit niya na mga anak ko. &#x27;Yun, nagrescue na ang lahat kasi nagulantang kasi anong nangyari ganon,&quot; dagdag pa ng nanay ng mga biktima.Maya maya pa, humingi naman ng saklolo ang isang babaeng nakatira sa itaas na unit ng paupahang bahay matapos na pasukin ng lalaki at tutukan ng kutsilyo habang bitbit ng lalaki ang kanyang anak na babae. Pagdating ng mga pulis, pinagsasaksak na ng lalaki ang mga biktima kaya napilitan ang mga awtoridad na paputukan ito na nauwi sa kanyang pagkasawi.“Doon na naka-responde ang ating SWAT team and naabutan nila na sinasaksak na nila &#x27;yung victim 3, yung kapitbahay nilang babae na wala na silang oras na makipag-negotiate kasi sinasaksak na. Doon na nila binaril &#x27;yung suspek,” paliwanag ni PCPL. Rowell Calderon, investigator on duty ng Dasmariñas City Police Station.Laking gulat naman ng mga taga-barangay ng pasukin nila ang kwarto kung saan unang dinala ang mga bata nang makita nila ang duguan at may mga tama ng saksak sa katawan ang 5-anyos na batang lalaki. Agad na dinala sa pagamutan ang mga biktima, pero dead on arrival na ang batang lalaki.Patuloy namang ginagamot ang babaeng kapatid ng biktima pati na rin ang kanilang kapitbahay na babae.Hindi pa rin makapaniwala ang nanay ng mga bata sa sinapit ng kanyang asawa  lalo&#x27;t mabait at mapagmahal na ama ito.“Kahit yung mga kapitbahay ko, nagulantang sa pangyayaring &#x27;yun. Anong nangyari sa asawa mo? Nag-away ba kayo? Sabi ko wala, hindi kami nag-aaway nang, natural lang siguro pero hindi aabot sa ganung point. Kasi nung gabi na &#x27;yun kalmado lang siya eh. Wala talaga akong nakikitang sign na gugulatin ako sa isang iglap. Hindi ko na alam ang nangyayari,” dagdag ng nanay ng mga biktima.Pero ayon sa asawa ng mga biktima,  napansin niya na halos dalawang linggo nang madalang kumain at halos hindi na natutulog ang kanyang asawa. “Stressed na stressed na siya. Hindi na siya kumakain eh sa loob ng two weeks. Madalang siya, sa loob ng one week na &#x27;yun, napapansin ko na parang mas lamang &#x27;yung walang kain, walang tulog. Yosi lang siya. Kape… Two weeks na, tanong ko, &#x27;Pa, kumain ka na?&#x27; Sagot niya: &#x27;Kayo na lang ng mga anak ko.&#x27; Hahatiin niya talaga. &#x27;Yun ang huling binigyan niya ng mga anak ko, pinainom niya ng gatas na dapat para sa kanya,&quot; dagdag pa niya.Hinala niya, nag-ugat ito sa hindi mabayarang utang ng asawa.&quot;Kinimkim niya ang problema niya, parang dinibdib niya masyado, &#x27;yung sa simpleng, maliit lang na bagay parang sabi niya kasi ano lang &#x27;yun kung nagkautang siya  bat hindi niya sa akin in-open. Mga kapatid niya handa naman siyang tulungan,&quot; dagdag niya pa.Ito rin ang nakikitang dahilan ng PNP sa insidente lalo&#x27;t lumalabas sa kanilang imbestigasyon na hindi naman sangkot sa paggamit ng  ilegal na droga ang lalaki“Sa ngayon wala pang record or wala pa tayong lead sa involvement sa drugs. Ang sabi lang nung pamilya, at tsaka nung barangay, financial talaga. Maraming utang, maraming bayarin, parang doon nagmula &#x27;yung kanyang pag-iisip, di pagtulog. Ang ginagawa niya is puro kape lang siya simula Sunday hanggang Monday ng umaga,” dagdag ni Calderon.Patuloy naman ang panawagan ng barangay na bukas at handang tumulong ang kanilang tanggapan upang maiwasan ang mga ganitong insidente.“Panawagan ko, pag may mga problema at talagang hindi na nila kaya, magreport lang sa barangay para kahit papaano maka-aksiyon agad ang barangay,” sabi ni Kapitan Armando Movido ng Brgy. Sampaloc 4.Nakaburol na ngayon ang mga labi ng mag-ama.

Patay ang limang taong gulang na batang lalaki habang sugatan naman ang kanyang pitong taong gulang na kapatid na babae matapos pagsasaksakin ng kanilang ama sa loob ng kanilang bahay sa Brgy. Sampaloc 4, Dasmariñas, Cavite, nitong Lunes, October 27.

Patay ang limang taong gulang na batang lalaki habang sugatan naman ang kanyang pitong taong gulang na kapatid na babae matapos pagsasaksakin ng kanilang ama sa loob ng kanilang bahay sa Brgy. Sampaloc 4, Dasmariñas, Cavite, nitong Lunes, October 27.